Donald Edward Williams

Donald Edward Williams (* 13. Februar 1942 in Lafayette, Indiana; † 23. Februar 2016) weer en US-amerikaansch Astronaut.

Beroplich Werdegang

Pilotentätigkeit

Williams hett 1964 en Bachelor in Maschinenbau an de Purdue University maakt. 1966 hett he de Utbillen to’n Strahlflugtüüchführer bi de United States Navy afslooten. He weer an Bord vun den Floogtüüchdräger USS Enterprise stationeert un is in’ Vietnamkrieg insgesamt 330 Kampinsätze flaagen. 1973 hett he dat Armed Forces Staff College besöcht un 1974 de U.S. Naval Test Pilot School. Bit 1977 weer he denn Testpilot.

Astronautentätigkeit

In’ Januar 1978 wurr Williams vun de NASA as Astronautenanwärter utwählt. Nah sien Utbillen to’n Shuttlepiloten wurr he an verscheeden Stäen sowohl an dat Kennedy Space Center as ok an dat Johnson Space Center (JSC) insett. Af Juli 1985 weer he stellvertreden Baas vun den Beriek Aircraft Operations an dat JSC; van September 1986 bit Dezember 1988 weer he Baas vun de Afdeelen Mission Support in dat Astronautenbüro.

STS-41-F

De Mission weer för August 1984 mit de Ruumfähre Discovery plaant. Dat weer de eerste Insatz vun de Discovery ween. De Mission muss aber wegen Verspätungen vun de Bruuklast afseggt wurrn. De Mission wurr denn as STS-51-E plaant. As Crew vörsehn weern Karol Bobko, Donald Williams, Rhea Seddon, David Griggs un Jeff Hoffman.

STS-51-E

Disse Floog vun de Challenger wurr wegen Problemen vun de IUS-Böverstuuf afseggt. Plaant weer, dat en TDRS-Satellit utsett wurr. De Mannschap sull ut Karol Bobko, Donald Williams, Rhea Seddon, David Griggs, Jeffrey Hoffman, den franzöösch Bruuklastspezialisten Patrick Baudry un de Politiker Jake Garn bestahn.

STS-51-D

An’ 12. April 1985 is Williams as Pilot vun de Ruumfähre Discovery ünner dat Kommando vun Karol Bobkoto’n eersten Mal in’t All start. Bruuklast weern de beid Satelliten TELESAT-9 und LEASAT-3. Bi den letzteren funktschoneer aber de de automatische Inbedrievnahm vun de Antenn un vun dat Drievwark nich. Trotz en Weltruumutstieg dör de Missionsspezialisten Jeffrey Hoffman un David Griggs kunn de Defekt nich besiedigt wurrn. Rhea Seddon weer de darte Missionsspezialist. Dorto keemen de Politiker Jake Garn und de Bruuklastspezialist Charles David Walker.

STS-61-I

STS-61-I weer en plaant Challenger-Mission, de nah de Challenger-Katastrooph in’ Januar 1986 afseggt wurr. Disse Shuttle-Mission weer för den 27. September 1986 vörsehn. De Crew sull ut den Kommandanten Donald Williams, den Piloten Michael John Smith (keem bi dat Challenger-Unglück to Dood]), de dree Missionsspezialisten James Phillip Bagian, Bonnie Jean Dunbar, Manley Lanier Carter as ok den Bruuklastspezialisten Nagapathi Bhat (Indien) un en US-Journalisten bestahn.

STS-34

An’ 18. Oktober 1989 weer Williams Kommandant vun de Ruumfähre Atlantis up de Mission STS-34. Pilot bi disse Mission weer Michael James McCulley. Dorto keemen de Missionsspezialisten Franklin Ramon Chang-Diaz, Shannon Lucid un Ellen Baker.

De Hööftbruuklast weer de Jupitersonde Galileo. Se wurr tosommen mit de Raketenböverstuuf Inertial Upper Stage (IUS) in den Weltruum utsett. Wiederhen wurrn Experimente to Eererkunnen, Umweltforschung, Materialtechnologie, Astronomie un Medizin dörführt un an Bord befunn sück ok en IMAX-Kamera.

Nach der NASA

In’ März 1990 is Williams ut de Navy un de NASA utscheeden un wurr Division Manager bi de Science Applications International Corporation. He weer Programm-Manager för dat National Data Buoy Center Technical Services Contract am Stennis Space Center. In’ April 2006 is he dor utscheeden.

Privates

Donald E. Williams weer verheiraadt un harr twee Kinner.

Weblenken

Donald E. Williams. Mehr Biller, Videos oder Audiodateien to’t Thema gifft dat bi Wikimedia Commons.

NASA: Biografie (engelsch)
spacefacts.de: Körtbiografie
Doodsnahricht