Earl Grey (Tee)

Earl Grey (ok woll verkehrt as Earl Gray schreven) is de Naam för en Mix ut Swarten Tee, de sien sunnerlichen Smack vun Bergamottööl kriggt. Düt Ööl warrt maakt ut de Schellen vun unriepe Frücht vun de Zitrusfrucht Bergamott. De Earl-Grey-Tee hett sien Naam vun den engelschen Greven Charles Grey (1764–1845) kregen. He weer Staatsmann un Premierminister in Grootbritannien. De Geschicht warrt vertellt, he scholl düssen Tee as en Geschenk kregen hebben, as bi en Hannelsreis na Asien een vun siene Mitarbeiders en Jungen reddt hett, de anners verdrunken weer. De Vadder vun düssen Jungen schall so dankbaar ween hebben, datt he dat Rezept an Earl Grey geven hett.

FBOP Earl-Grey-Tee ut Sri Lanka (Ceylon).

Döntjes

Earl-Grey-Tee is de leevste Drunk vun Käpt’n Jean-Luc Picard ("Tea, Earl Grey, hot!") ut de Serie Star Trek: The Next Generation. Ok James Bond mag geern Earl Grey-Tee drinken. Dat hett an’t Enn vun dat 18. Johrhunnert en Cocktail mit den Naam London Fog geven. He bestünn ut Earl-Grey-Tee, kaakte Melk un Vanille-Zirup.