Hauptmenü öffnen

Eddie Shu (* as Edward Shulman an’ 18. August 1918 in Brooklyn, New York; † 4. Juli 1986 in Tampa, Florida) weer en US-amerikaansch Jazz-Tenor- un Altsaxophonist vun den Swing.

Eddie Shu hett as Kind eerst Vigelien un Gitarr lernt, speel aber later Saxophon. He hett tonächst bit 1948 mit Tadd Dameron un George Shearing tosommen arbeit, dornah mit Johnny Bothwell, Buddy Rich un Les Elgart. He speel van 1949 bit 1950 in de Band vun Lionel Hampton, 1950/51 bi Charlie Barnet un 1952 bi Chubby Jackson. Shu harr 1953/54 eegen Formatschonen in New York un weer van 1954 bit 1958 Liddmaat in de Band vun Gene Krupa. Dornah hett he as freeschaffend Musiker up Kuba un in Florida arbeit. In de 1960er Johren speel he in Louis Armstrong sien All Stars-Formatschoon un 1966 noch mal bi Hampton. 1973 wark he bi de letzt Live-Upnahmen vun Gene Krupa vör de sien Dood mit.

Shu weer as Multiinstrumentalist bekannt; he speel buter de Saxophons ok Klarinett, Trompete un Harmonika un is ok as Singer uptreden. Toletzt hett he in Tampa wahnt, wo he denn ok storven is.

Diskographie (Utwahl)Ännern

  • Louis Armstrong: The legendary Berlin Concert (Jazzpoint, 1965)
  • Gene Krupa: Live At The New School (Chiaroscuro, 1973)

LiteraturÄnnern

WeblenkenÄnnern