Eduard Roese
Karl Victor Eduard Roese (* 24. März 1855 in Elze; † 21. April 1918 in Halle) weer en düütschen Pädagoog.
Roese is 1855 as Söhn von Marie Henriette, borene Weber (1819–1889), un Georg Friedrich Albert Roese (1803–1880) in Elze boren.[1] He hett later an de Universität Göttingen klassische Philologie un Düütsch studeert.[2]
Na dat Studium is he Oostern 1878 wetenschoplichen Hülpslehrer an dat Gymnasium Düörpm worrn un hett in’n Januar 1879 ok de Pleeg von de städtische Müntensammlung övernahmen.[3] 1880 is he ordentlichen Lehrer worrn un hett 1883 tosätzlich de Pleeg von de städtische Öllerdomssammlung övernahmen.[3] 1884 hett he sien Dr. phil. an de Universität Tübingen maakt.[3]
He weer bet 1890 Persepter in Düörpm un is to’n 1. September 1890 an dat Gymnasium Saarburg wesselt.[3] In disse Tied hett he 1892 archäoloogsche Studienreisen na Italien maakt.[3] Bet 1895 weer he denn Oberlehrer an dat Gymnasium Saargemünd.
To’n 1. April 1895 is Roese an dat Kaiser-Friedrich-Gymnasium in Frankfort wesselt un hett den Titel von en Perfesser kregen.[3] He is dor bet 1. Oktober 1898 bleven, as he Direkter von dat Realgymnasium Stralsund worrn is.[3] In Stralsund is he bet 1905 bleven.[4]
1904 hett he en archäoloogsche Studienreis na Grekenland maakt.[4]
Roese weer 1905 bet 1906 Rekter von dat Athenaeum in Stood un is denn an dat Königliche Gymnasium in Bartenstein versett worrn.[5] 1916 is he Direkter von dat Doomgymnasium in Merseburg worrn.[4] In’n Eersten Weltkrieg weer he Major bi de Infanterie.[4] He weer den ganzen Krieg dör an de Westfront un hett ok de Slacht von Cambrai mitmaakt. He is verwunnt worrn, is aver eerst 1918 in en Lazarett in Halle kamen un dor an’n 8. April doodbleven.[4]
Roese hett an’n 3. April 1888 in Lippstadt Adelheid Lohmann freet.[6][1] De beiden harrn twee Kinner.[1]
Warken ännern
- Dortmunder Urkundenbuch. (Mitrutgever) Düörpm 1881
- Lebende Spinnstubenlieder nach Wort und Weise aus Volksmund im ländlichen Ostpreußen aufgezeichnet und erläutert von Dr. Eduard Roese. Nebst einigen Liedern aus dem Hannoverschen Heidelande. Deutsche Landbuchhandlung, Berlin 1911
Footnoten ännern
- ↑ a b c http://www.myheritage.de/person-2000120_251323671_251323671/karl-victor-eduard-roese
- ↑ Gisela Weiss: Sinnstiftung in der Provinz: westfälische Museen im Kaiserreich. Schöningh, 2005, Sied 150
- ↑ a b c d e f g Gisela Weiss: Sinnstiftung in der Provinz: westfälische Museen im Kaiserreich. Schöningh, 2005, Sied 477
- ↑ a b c d e Altpreußische Biographie. Band 2, Elwert, 1967, Sied 565
- ↑ Zentralblatt für die gesamte Unterrichts-Verwaltung in Preußen. Verlag von Wilhelm, 1906, Sied 606
- ↑ https://familysearch.org/ark:/61903/1:1:NZ46-K3G