Elmhorstbarg
| Elmhorstbarg | ||
|---|---|---|
| Barggrupp: | ||
| Hööchd: | 88 m över NN | |
| Land: | Düütschland | |
| Laag: | Landkreis Rodenborg | |
| Kuntinent: | Europa | |
| Koordinaten: | Koordinaten:52° 60′ N, 9° 38′ O52° 60′ N, 9° 38′ O | |
| ||
De Elmhorstbarg is en 88,4 Meter över NN hogen Barg in de Gemeen Visselhöövd in de Lümbörger Heid.
He liggt twüschen de Öörd Delvendaal, Hiddingen, Behningen un Riepholm 250 Meter af von de Kreisstraat 208. De 93 Meter hoge Höllenbarg liggt 2,5 Kilometer in’n Noordoosten.
Op’n Barg liggt en Radarstellung von de Bundswehr, de von’n Abgesetzten Technischen Zug 243 (Einsatzführungsbereich 2) bedreven warrt. De Stellung is för de Luftraumüberwachung dor. De ole Anlaag von’n Typ Medium Power Radar is von 1971 bet to’n 5. Juli 2013 dör den Abgesetzten Technischen Zug 433 bedreven worrn. 2013/2014 is de ole Stellung dör en modeerner Radar von’n Typ Ground Master 406F ersett worrn, dat an’n 9. Juli 2014 in Bedriev gahn is.[1] De Stellung hett en Radom mit 12 Meter Dörmeter.
De Barg weer 1821 bet 1825 Deel von Carl Friedrich Gauß sien Meetnett von de Triangulatschoon von dat Königriek Hannover. Gauß hett von hier den Litbarg, den Wilser Barg un den Falkenbarg anpeilt. En Deel von dit Meetnett is op den 10-Mark-Schien von de Veerte Serie afbillt ween.
Footnoten
ännern- ↑ Thomas Hartmann: Neues Radargerät auf dem Elmhorstberg in Betrieb genommen. Kleiner und viel effektiver, Rotenburger Rundschau an’n 11. Juli 2014
