Elvin Penner
Elvin Penner (* 1971 oder 1972) is en Politiker ut Belize. He weer von’n 7. Februar 2008 bet 4. November 2015 för de UDP Afornten von dat Repräsentantenhuus.
Leven
ännernPenner is en Mennonit un de Söhn von Inwannerers ut Kanada. He weer ok de eerste Mennonit in dat Parlament von Belize.
Penner is verheiraadt un hett een Dochter un twee Söhns.
An’n 23. Juni 2017 is Penner bi’t Överhalen op’n George Price Highway twüschen Central Farm un Esperanza mit en Motorradfohrer tohoopstött, de dorbi doodbleven is.[1]
Politik
ännernBi de Parlamentswahl 2008 weer he för de UDP Kannedaat in’n Wahlkreis Cayo Noord Oost un hett mit 1951 Stimmen (53,64 %) gegen Orlando Habet von de PUP wunnen.
He weer denn Staatsminister in dat Ministerium för Natürliche Ressourcen un Ümwelt. An’n 10. März 2009 is dat Kabinett ümbillt worrn un Penner hett dat Amt as Minister för Junge Lüüd, Sport, Informatschoon un Rundfunk övernahmen. An’n 1. Juni 2010 müss he de Themenfeller Junge Lüüd un Sport wedder afgeven.[2] Junge Lüüd güng an Patrick Faber un Sport an John Birchman Saldivar. Dorför hett he aver dat Themenfeld Versorgung to sien Minister-Portfolio tokregen.[2]
Bi de Parlamentswahl 2012 hett he mit 2051 Stimmen (49,76 %) in’n sülven Wahlkreis wedder wunnen un Orlando Habet knapp slahn.
In dat ne’e Kabinett weer he Staatsminister in dat Ministerium för Natschonale Sekerheit ünner John Birchman Saldivar. Dor weer he ünner annern för Immigratschoon un Grenzschuul tostännig. Söss Maand later is dat Themenfeld Immigratschoon in dat Portfolio von Minister Godwin Hulse wesselt un Hulse weer Penner sien ne’en Baas.
2013 keem dat to en Affäär, nadem rutkeem, dat de Koreaner Kim Won-hong, de to de Tied in Taiwan in’t Fängnis sitten dee, von Penner oder ut Penner sien Ümfeld en belizeschen Pass utstellt kregen hett, ofschoonst Kim sien Leevdaag noch nich in Belize weer. Dorüm hett Premierminister Dean Barrow Penner an’n 19. September 2013 afsett. In’n März 2014 is Penner dorför vör Gericht stellt worrn. Dat Verfohren is aver in’n Juli 2014 ut Mangel an Bewiesen instellt worrn.[3]
Tosätzlich is 2013 en Recall-Verfohren anlopen, dat aver in’n Januar 2014 von dat Elections and Boundaries Department as invalide verkloort worrn is.
Penner hett sien Mandaat in dat Parlament behollen, weer nu aver in siene Partei nich mehr good leden un is bi de Parlamentswahl 2015 nich wedder as Kannedaat opstellt worrn. De UDP hett John August opstellt, de aver gegen Orlando Habet von de PUP verloren hett.
Footnoten
ännern- ↑ Special treatment for Elvin Penner, Amandala an’n 28. Juni 2017
- ↑ a b Aaron Humes: PM Barrow announces Cabinet reshuffle, Amandala an’n 4. Juni 2010
- ↑ Charges against Elvin Penner dismissed due to lack of evidence, San Pedro Sun an’n 30. Juli 2014
