Esch (Landkreis Stood)

Wapen/Flagg	Koort
Basisdaten
Bundsland: Neddersassen Landkreis: Stood Samtgemeen: Noordkeden Gemeen: Freeborg
Inwahners:
Postleettall:	21729
Vörwahl:	04779
Geograafsche Laag:	53° 49′ N, 9° 16′ O

Esch (hoochdüütsch Esch) is en lütten Oort in de Gemeen Freeborg (Samtgemeen Noordkeden) in’n Landkreis Stood, Neddersassen. De Oort höört polietsch von öllers bi Freeborg mit bi un dor to Schöneworth.

Geografie

Esch liggt in de Masch von de Elv in dat Land Keden. Dat Water flütt över dat Freebörger Slüsenfleet na de Elv hen af.

De Naveröörd sünd Laak in’n Noorden, Freeborg in’n Oosten, de Ooster-Buurschop von Öderquart in’n Süden un Kamp, Deckenhusen un Ridderhoff in’n Westen.

Historie

Dat Good in Esch hett fröher de Familie von der Decken tohöört.

Verwaltungsgeschicht

De Oort hett vör 1852 to de Hauptmannschop Schöneworth von dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Landkreis Stood worrn.

Inwahnertall

Johr	Inwahners
1793-00-001793	3 Füürsteden
1824-00-001824	91 Füürsteden

Religion

Esch is evangeelsch-luthersch präägt un höört to dat Kaspel von de Wulphardi-Kark in Freeborg.

För de Kathoolschen is de Hillig-Geist-Kark in Stood tostännig.

Weertschop un Infrastruktur

Verkehr

Esch liggt an de Landsstraat 111, de in’n Westen över Wechtern, Balje un Geversdörp bi Dingwöörden an de Bundsstraat 73 ran geiht un in’n Süüdoosten över Wischhoben, Drochters un Bützfleet na Stood. De L 111 is in Wischhoben mit de Bundsstraat 495 verbunnen.

De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 36 Kilometer in’n Süüdoosten von Esch.

De nächste Bahnhoff is so bi 17 Kilometer wied weg in’n Süüdwesten de Bahnhoff Wingst an de Nedderelvbahn. Von 1899 bet 1933 harr de Oort en egen Bahnhoff an de Kedener Kreisbahn.