Eversen (Landkreis Horborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21279 | |
| Vörwahl: | 04165 | |
| Geograafsche Laag: | Koordinaten:53° 24′ N, 9° 45′ O53° 24′ N, 9° 45′ O | |
|
| ||
Eversen (hoochdüütsch Eversen) is en Dörp in de Gemeen Appel (Samtgemeen Hullnst) in’n Landkreis Horborg, Neddersassen.
Geografie
ännernDat Water ut dat Rebeed flütt över’n Appelbeek na de Eest hen af.
De Naveröörd sünd Arsdörp in’n Noorden, Ilsdörp un Eversche Heid in’n Noordoosten, Ömbüddel un Raad in’n Süüdoosten, Olendörp in’n Süden, Appel un Appelbeek in’n Süüdwesten, Podendörp in’n Westen un Grauen un Mesborg in’n Noordwesten.
Historie
ännernVerwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Eversen in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Mesborg in’n Kanton Buxthu.
De Oort hett vör 1859 to de Vaagdie Hullnst von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.
De Oort höört al von öllers bi de Gemeen Appel mit bi.
Inwahnertall
ännern| Johr | Inwahners |
|---|---|
| 1791[1] | 3 Füürsteden |
| 1812[2] | 18 |
| 1824[3] | 3 Füürsteden |
| 1848[4] | 24 Lüüd, 4 Hüüs |
| 1. Dezember 1871[5] | 32 Lüüd, 6 Hüüs |
| 1. Dezember 1885[6] | 30 Lüüd, 6 Hüüs |
| 1. Dezember 1905[7] | 42 Lüüd, 7 Hüüs |
Religion
ännernEversen is evangeelsch-luthersch präägt un höört to dat Kaspel von de Andreas-Kark in Hullnst.
För de Kathoolschen is de St.-Maria-Kark in Buxthu tostännig.
Weertschop un Infrastruktur
ännernFör Eversen is de freewillige Füürwehr Appel mit tostännig.
Verkehr
ännernAn Eversen langs löppt de Kreisstraat 31, de in’n Süüdwesten över Appel na Hullnst an de Landsstraat 141 ran geiht un in’n Oosten över de Eversche Heid na de Höll an de Bundsstraat 3. Na Westen geiht von de K 31 de K 53 af, de na Mesborg an de L 141 föhrt. De L 141 wedder geiht in’n Noorden na Buxthu un in’n Süden na Töst. De B 3 löppt in’n Noorden över Ilsdörp na Öbergünn un in’n Süden an Bookholt langs.
De nächste Autobahn is de Autobahn 1 (Afsnidd Hamborg–Bremen). De Opfohrt 44 Raad liggt fiev Kilometer in’n Süüdoosten von Eversen an de B 3.
De nächste Bahnhoff is so bi twölv Kilometer wied weg in’n Noordwesten de Bahnhoff Buxthu an de Nedderelvbahn von Cuxhoben na Hamborg. De Bahnhoff Vosshusen is mit ölven Kilometer noch dichter bi, dor föhrt aver blots de S-Bahn Hamborg (S 3/S 31).
Scholen
ännernDe Grundschölers ut Eversen gaht na de Grundschool Hullnst.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 71
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling, Ossenbrügge 1813, Sied 58
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 178
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 100
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 142
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 75
