Füürwehr in de Samtgemeen Hemmoor

De Samtgemeen Hemmoor is Dreger von acht freewillige Füürwehren op dat Rebeed von de Samtgemeen.

Dat sünd de Füürwehren in de Öörd Basbeek, Heckthusen, Heeßel, Klint, Ooldhemmoor, Oosten, Warstood un Westersood.

Basbeek, Heckthusen un Warstood sünd Stüttpunktfüürwehren, de annern Oortsfüürwehren.

Jugendfüürwehren gifft dat in Basbeek, Heckthusen, Ooldhemmoor, Oosten, Warstood un Westersood.

Oortsfüürwehren

Basbeek

Sprüttenhuus in Basbeek

Dat Sprüttenhuus steiht in de Rosenthalweg 3 (53° 41′ N, 9° 11′ O).

De freewillige Füürwehr Basbeek is an’n 18. November 1923 grünnt worrn. Dat eerste Sprüttenhuus is 1951 trech worrn un stünn op’n Möhlenbarg. To’n 18. Juni 1985 is de Wehr denn Stüttpunktfüürwehr worrn. 1991 is dat Sprüttenhuus utboot worrn un hett ne’e Rüüm kregen. Nadem dat Sprüttenhuus wedder to lütt weer, is 2010 en neet Gebüüd an’n Rosenthalweg boot worrn.

De Jugendfüürwehr is an’n 18. Februar 2003 grünnt worrn.^[1]

Heckthusen

Dat Sprüttenhuus steiht in de Straat Marktplatz 4 (53° 38′ N, 9° 14′ O).

De freewillige Füürwehr is an’n 28. März 1895 grünnt worrn. Vondaag is dat en Stüttpunktfüürwehr.

De Jugendfüürwehr is an’n 13. Februar 1995 grünnt worrn.^[1]

Heeßel

Sprüttenhuus in Heeßel

Dat Sprüttenhuus steiht in de Straat Achtern Barg (53° 41′ N, 9° 7′ O).

Grünnt worrn is de freewillige Füürwehr an’n 16. Juli 1933.

Klint

Dat Sprüttenhuus steiht in de Straat Landstraat 59a (53° 38′ N, 9° 12′ O).

Ooldhemmoor

Sprüttenhuus in Ooldhemmoor

Dat Sprüttenhuus steiht in de Straat Linnenstraat 23 (53° 42′ N, 9° 7′ O).

De Füürwehr is an’n 27. November 1901 grünnt worrn. Vörher hett Hemmoor mit bi’n Füürsprüttenverband Westersood-Hemmoor höört. Dat Sprüttenhuus in de Linnenstraat hebbt se 1937 boot. 1967 is en neet Sprüttenhuus boot worrn, nadem dat ole to lütt för dat ne’e Fohrtüüg weer.

De egenstännige freewillige Füürwehr von Hemm hett sik 1979 mit de Füürwehr von Ooldhemmoor tohoopslaten un weer denn en Oortsgrupp. Disse Oortsgrupp Hemm is 1989 aver ok oplööst worrn un dat Sprüttenhuus in Hemm hebbt se afbraken.

De Jugendfüürwehr Ooldhemmoor is an’n 13. Juni 1988 grünnt worrn.^[1]

2010 hett de Füürwehr denn ok de Rüüm von de Kreisspoorkass Wersermünn-Hadeln tokregen, de glieks blangenan weren.

Oosten

Dat Sprüttenhuus steiht in de Straat Feldstraat (53° 42′ N, 9° 11′ O).

Historie

Nadem dat an’n 15. November 1773 in Oosten en sworen Brand geven hett, bi den 43 Hüüs afbrennt sünd, hebbt de Gemenen Oosten, Olendörp, Isensee un Hüll en Füürwehrmannschop tohoopstellt. En freewillige Füürwehr is an’n 6. März 1924 grünnt worrn. För dat Dörp Hüll weer de Füürwehr nich mehr tostännig, nadem Hüll 1932 an’n Landkreis Stood fullen is.

Fröher weer dat Sprüttenhuus in de Lange Straat. Dat ne’e Sprüttenhuus in de Feldstraat is 1971 boot worrn.

De Füürwehr weer eerst en Stüttpunktfüürwehr, is later aver to en Oortsfüürwehr mit Sünnerutrüstung rafstuft worrn.

De Jugendfüürwehr Oosten is an’n 23. Juni 2005 grünnt worrn.^[1]

Warstood

Sprüttenhuus in Warstood

Dat Sprüttenhuus steiht in de Straat Holtstraat 23 (53° 42′ N, 9° 9′ O).

De Wehr is vondaag en Stüttpunktfüürwehr.

De Jugendfüürwehr is an’n 18. Februar 2003 grünnt worrn.^[1]

Westersood

Dat Sprüttenhuus steiht in de Straat Dörpstraat 45 (53° 42′ N, 9° 7′ O).

De eerste Füürsprütt in Westersood kummt 1853 in de olen Rekenböker vör. 1873 is denn de Füürsprüttenverband Westersood-Hemmoor grünnt worrn, nadem de Füürsprütt, de vörher in en Gebüüd von’n Karkhoff stünn, dor nich mehr stahn kunn un en egen Gebüüd kregen hett. De freewillige Füürwehr is denn 1896 grünnt worrn.

Dat Sprüttenhuus in de Dörpstraat is 1954 boot worrn un dat ole Huus op dat Grundstück von Friedrich Mangels is afreten worrn. Blangen de Füürwehr weer dor ok de Gemeen mit ehr Rüüm in. Nadem de Gemeen Westersood Deel von de Gemeen Hemmoor worrn is, kunn de Füürwehr von 1974 af an dat kumplette Gebüüd bruken, dat 1977 noch en Anbo kregen hett.

De Wehr hett 1974 en Kinnerfüürwehr grünnt, de aver 1988 wedder oplööst worrn is. An’n 6. September 2007 is denn aver en Jugendfüürwehr grünnt worrn.^[1]