Hemm (Hemmoor)
Hemm is en Dörp in de Gemeen Hemmoor in’n Landkreis Cuxhoben, Neddersassen. De Oort liggt an dat linke Över von de Oost.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 2,93 km² | |
| Inwahners: | ||
| Postleettall: | 21745 | |
| Vörwahl: | 04771 | |
| Geograafsche Laag: | Koordinaten:53° 43′ N, 9° 9′ O53° 43′ N, 9° 9′ O | |
 | ||
|
| ||
Geografie
ännernDe Oort liggt in de Masch von de Oost een Kilometer af von de Kant na de Loomster Geest. Dat Water ut dat Rebeed flütt över Fleten af na de Oost.
De Naveröörd sünd Öberndörp in’n Noorden, Achthöbenerdiek in’n Oosten (op de anner Sied von de Oost), Oosten in’n Süüdoosten (ok op de anner Sied von de Oost), Warstood in’n Süden, Hemmoor in’n Süüdwesten un Ohrensflucht in’n Noordwesten.
Historie
ännernIn’n Eersten Weltkrieg sünd 16 Soldaten ut Hemm fullen oder vermisst un in’n Tweten Weltkrieg acht[1].
Verwaltungsgeschicht
ännernIn de Franzosentied hett de Oort toeerst 1810 bet 1811 binnen dat Königriek Westfalen to de Mairie Westersood in’n Kanton Öberndörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Voigtding in’n Kanton Neehuus.
De Oort hett vör 1859 to de Böörd Loomst in dat Amt Bremervöör tohöört un denn von 1859 bet 1885 to dat Amt Oosten. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Hemm hett 1962 tohoop mit Warstood un Heeßel de Samtgemeen Warstood billt, de aver blots bet to’n 1. Juli 1968 Bestand harr, as Hemm Deel von de nee billt Gemeen Hemmoor worrn is.
Inwahnertall
ännern| Johr | Inwahners |
|---|---|
| 1791[2] | 18 Füürsteden |
| 1824[3] | 16 Füürsteden |
| 1848[4] | 139 Lüüd, 23 Hüüs |
| 1. Dezember 1871[5] | 142 Lüüd, 24 Hüüs |
| 1. Dezember 1885[6] | 160 Lüüd, 23 Hüüs |
| 1. Dezember 1905[7] | 239 Lüüd, 36 Hüüs |
| 1. Dezember 1910[8] | 250 |
| 1925[9] | 197 |
| 1933[9] | 172 |
| 1939[9] | 169 |
Religion
ännernHemm is evangeelsch-luthersch präägt un höört to dat Kaspel von de Christuskark in Warstood. Bevör de Christus-Kark 1898 boot worrn is, hett de Oort to dat Kaspel von de Bartelmees-Kark in Loomst tohöört.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Wapen
ännernDat Wapen von Hemm wiest op grönen Grund en gollen Bull. Ünnern Bull langs geiht en sülvern Wellenlien, de för de Oost steiht.
De Bull steiht för de Vehtucht, de in’n Oort wichtig weer. De Wellenbalken is för de Laag an de Oost un dat gröne Feld steiht för den Naam von’n Oort, denn Hemm is en Woord, dat för en Soort Weid steiht.
Börgermeesters
ännern- –30. Juni 1968: Johann Jantzen
Kultur
ännern
En Denkmaal för de Fullenen ut de twee Weltkrieg’ steiht an de Hemmer Straat. Blangen de Fullenen ut Hemm gedenkt de Steen ok de fiev Fullenen ut de Oostrebeden, de ehr Famielen denn in Hemm ünnerkamen sünd.
Weertschop un Infrastruktur
ännernDe egenstännige Freewillige Füürwehr von Hemm hett sik 1979 mit de Füürwehr von Hemmoor tohoopslaten. De Oortsgrupp Hemm is 1989 oplööst un dat Füürwehrhuus afbraken worrn.
Verkehr
ännernHemm liggt an de Kreisstraat 25, de in’n Süden an de Bundsstraat 73 ranlöppt. In’n Noorden geiht de Straat över Ohrensfluchterdiek un Braak na Öberndörp. Na Oosten to is de Oort dör de Oost von’n Verkehr afsperrt.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 33 Kilometer in’n Süüdoosten von Hemm an de B 73.
De nächste Bahnhoff is fiev Kilometer in’n Süüdoosten de Bahnhoff Hemmoor an de Nedderelvbahn von Cuxhoben na Hamborg. De Bahnhoff Warstood-Hemmoor, de 1991 dichtmaakt hett, leeg blots knapp een Kilometer in’n Süüdwesten.
Ver- un Entsorgung
ännernDat fleten Water för Hemm kummt von’n Waterverband Wingst. Dat Afwater warrt in dat Klärwark Hemmoor klärt.
Footnoten
ännern- ↑ http://www.denkmalprojekt.org/2009/hemmoor-hemm_wk1u2_ns.htm
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 103
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 266
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 133
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 156
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 126
- ↑ Inwahnertallen op gemeindeverzeichnis.de
- ↑ a b c Inwahnertallen op verwaltungsgeschichte.de
Weblenken
ännern
Basbeek (mit de Möhlenreeg, Sethlerhemm un den Tegelkamp) | Heeßel (mit Wedelsforth, de Pulvermöhl un dat Schuppenfeld) | Hemm | (Oold-)Hemmoor (mit en Deel von Ohrensfluchtermoor) | Westersood (mit Bröckelbeek) | Warstood (mit Swartenhütten)
