Westersood
Westersood (hoochdüütsch Westersode) is en Oort in de Gemeen Hemmoor in’n Landkreis Cuxhoben, Neddersassen.
| Wapen/Flagg | Koort | |
|---|---|---|
|
|
| |
| Basisdaten | ||
| Flach: | 10,53 km² | |
| Inwahners: | ||
| Postleettall: | 21745 | |
| Vörwahl: | 04771 | |
| Geograafsche Laag: | Koordinaten:53° 42′ N, 9° 7′ O53° 42′ N, 9° 7′ O | |
 Laag von Westersood in de Gemeen Hemmoor (Koort lett sik anklicken) | ||
|
| ||
Bi Westersood höört ok Bröckelbeek mit bi, dat 1821 grünnt worrn is, un de Oortsdeel Herrlichkeit.
GeografieÄnnern
In’n Süüdoosten von Westersood, bi de Herrlichkeit, hett de Heeßler Möhlenbeek sien Born.
De Naveröörd sünd Dobrook un Ohrensflucht in’n Noorden, Hemmoor in’n Noordoosten, de Herrlichkeit un Warstood in’n Süüdoosten, Heeßel in’n Süden, Bröckelbeek un Varrel in’n Süüdoosten un Ellerbrook un Wittenmoor in’n Noordwesten.
HistorieÄnnern
De Graffbargen in Postel sien Busch wiest, dat al in de Bronztied Minschen in de Ümgegend von Westersood leevt hebbt. In’n Süden von Westersood hebbt se 1892/1893 ok en Urnengrafffeld ut de Tied von dat 3. bet 5. Johrhunnert funnen un dor ok en poor Hemmoorer Ammels bi utkuhlt.
In de Oorkunnen kummt dat Dörp as Westerso toeerst 1083 vör, as Otto von Northeim doodbleven is un dat Klooster Harsfeld 13 Hoven in Westersood arvt hett.
In’n Eersten Weltkrieg sünd 71 Soldaten ut Westersood fullen oder vermisst un in’n Tweten Weltkrieg 103[1].
Westersood is an’n 1. Juli 1968 Deel von de nee billt Gemeen Hemmoor worrn.
InwahnertallÄnnern
| Johr | Inwahners |
|---|---|
| 1824[2] | 56 Füürsteden |
| 1848[3] | 424 Lüüd, 78 Hüüs |
| 1858[4] | 571 |
| 1. Dezember 1910[5] | 1.545 |
| 1925[6] | 1.191 |
| 1933[6] | 1.195 |
| 1939[6] | 1.063 |
ReligionÄnnern
Westersood is evangeelsch-luthersch präägt un höört to dat Kaspel von de Christus-Kark in Warstood. Bevör de Christus-Kark 1898 boot worrn is, hett de Oort to dat Kaspel von de Bartelmees-Kark in Loomst tohöört.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
WapenÄnnern
Dat Wapen von Westersood wiest op blauen Grund en sülvern Soot.
BörgermeestersÄnnern
- -1933: Heinrich Mahler
- 1954-30. Juni 1968: Herbert Müller
KulturÄnnern
.1914-18.ajb.jpg)
.1939-45.ajb.jpg)
Denkmaals för de Fullenen ut de twee Weltkrieg’ staht op’n olen Karkhoff von Westersood.
VerenenÄnnern
Al 1873 hett sik en Füürsprüttenverband Westersood-Hemmoor billt. De hüdige Freewillige Füürwehr is denn 1896 grünnt worrn un de Schützenvereen 1900.
Weertschop un InfrastrukturÄnnern
Fleten Water hett dat Dörp 1958 kregen.[7]
VerkehrÄnnern
Westersood liggt an de Kreisstraat 28, de in’n Noorden an de Bundsstraat 73 ranlöppt. In’n Süden geiht de Straat na Heeßel un an de Bundsstraat 495 ran. De Kreisstraat 29 geiht von de K 28 na Westen af na Varrel.
De nächste Bahnhoff is in Basbeek an de Nedderelvbahn.
ScholenÄnnern
.ajb.jpg)
Dat gifft en Grundschool in Westersood. Na Gymnasium gaht de Kinner op dat Gymnasium Warstood.
Ver- un EntsorgungÄnnern
Dat fleten Water för Westersood kummt von’n Waterverband Wingst. Dat Afwater warrt in dat Klärwark Hemmoor klärt.
LüüdÄnnern
De Politiker Paul Neese is 1939 in Westersood boren un de Politiker un Heimatforscher Herbert Müller 1926.
LiteraturÄnnern
- Herbert Müller: Westersode gestern und heute. 1983
FootnotenÄnnern
- ↑ http://www.denkmalprojekt.org/2009/hemmoor-westersode_wk1u2_ns.htm
- ↑ C. H. Jansen: Statistisches Handbuch des Königreichs Hannover. 1824, Sied 658: http://books.google.de/books?id=tG0AAAAAcAAJ&pg=PA658
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
- ↑ Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
- ↑ http://www.gemeindeverzeichnis.de/gem1900/gem1900.htm?hannover/neuhaus.htm
- ↑ a b c http://www.verwaltungsgeschichte.de/hadeln.html
- ↑ http://www.ff-westersode.de/chronik/1951-1980
WeblenkenÄnnern
Basbeek (mit de Möhlenreeg, Sethlerhemm un den Tegelkamp) | Heeßel (mit Wedelsforth, de Pulvermöhl un dat Schuppenfeld) | Hemm | (Oold-)Hemmoor (mit en Deel von Ohrensfluchtermoor) | Westersood (mit Bröckelbeek) | Warstood (mit Swartenhütten)