Oosten (hoochdüütsch Osten) is en Dörp in de Gemeen Oosten, Samtgemeen Hemmoor, in’n Landkreis Cuxhoben, Neddersassen.

Wapen/Flagg Koort
Wapen unbekannt
Oosten
Laag vun Oosten in Düütschland
Basisdaten
Bundsland: Neddersassen
Landkreis: Cuxhoben
Samtgemeen: Hemmoor
Gemeen: Oosten
Inwahners:
Hööchd: 1 m över NN
Geograafsche Laag:
Koordinaten:53° 42′ N, 9° 11′ O
53° 42′ N, 9° 11′ O
Isensee (Oosten)Oosten (Oost)Olendörp (Landkreis Cuxhoben)
Laag von Oosten in de Gemeen Oosten (Koort lett sik anklicken)

Karte

Luftbild von Oosten (2012)
Oosten mit Sweevfähr un St.-Petri-Kark, von de Basbeker Sied ut keken

Geografie ännern

Oosten liggt ganz in’n Oosten in’n Landkreis Cuxhoben an de Grenz na’n Landkreis Stood un Keden.

Dat Dörp liggt in de Masch von de Oost.

De Naveröörd sünd Isensee in’n Noorden, Olendörp un Schüttdamm in’n Noordoosten, Hüll in’n Oosten, Grootweurn in’n Süüdoosten, Sethlerhemm un Basbeek in’n Süden, Warstood in’n Süüdwesten, Hemmoor in’n Westen un Hemm un Achthöbenerdiek in’n Noordwesten.

Historie ännern

In de Oorkunnen kummt Oosten toeerst 1220 as by de Osten vör. 1391 hett dat en Stormflood geven, bi de Fährweg, Slüüs un Kark sworen Schaden afkregen hebbt. 1717 sünd bi de Wiehnachtsflood 17 in Oosten doodbleven un an’n 15. November 1773 sünd bi en Füür 43 Hüüs dalbrennt. Ok bi de Stormflood 1962 hett de Oort wedder wat afkregen.

1909 hebbt se denn twüschen Oosten un Basbeek de Sweevfähr boot, vörher harr dat jümmer blots en Fähr geven un keen fasten Weg över de Oost. Nadem se 1974 de Oostbrügg von de B 495 boot hebbt, warrt de Sweevfähr blots noch för den Tourismus bruukt.

In’n Eersten Weltkrieg sünd 31 Soldaten ut Oosten fullen oder vermisst[1]. In’n Düütsch-Franzööschen Krieg von 1870/1871 weren dat twee Lüüd.

1852 is Oosten de Seet von dat Amt Oosten worrn. Dit Amt is denn 1885 Deel von’n Kreis Neehuus worrn un 1932 von’n Landkreis Land Hadeln. 1977 keem de Oort denn an’n Landkreis Cuxhoben.

Von 1964 bet 1972 weer Oosten Deel von de Samtgemeen Oosten. 1972 is Oosten mit Olendörp un Isensee to de ne’e Gemeen Oosten tohoopslaten worrn.

Dat Amtsgericht Oosten, dat 1852 inricht worrn is, hett 1973 dichtmaakt.

Inwahnertall ännern

Johr Inwahners
1824-00-001824[2] 119 Füürsteden
1848-00-001848[3] 848 Lüüd, 130 Hüüs
1858-00-001858[4] 866
1910-12-011. Dezember 1910[5] 711
1925-00-001925[6] 628
1933-00-001933[6] 553
1939-00-001939[6] 974

Religion ännern

Oosten is evangeelsch-luthersch präägt un billt mit de Petrus-Kark en egen Kaspel. De Kark is 1746/1747 von’n Bomeester Prey ut Hamborg boot worrn un is ut Backsteen. De Örgel hett Jakob Albrecht 1751 boot. 1779 hett Georg Wilhelm Wilhelmi de Örgel wedder op Schick bröcht.

En eerste Kark is al 1396 an de sülve Steed boot worrn.

För de Kathoolschen is de Karkengemeen Hillig Geist in Stood tostännig.

Börgermeesters ännern

  • 1962-30. Juni 1972: Wilhelm Jonscheck (SPD)

Kultur ännern

En Denkmaal för de Fullenen ut de twee Weltkrieg’ un den Düütsch-Franzööschen Krieg von 1870/1871 steiht bi de Kark. Dat Denkmaal is 1921 boot worrn.

Museums ännern

Oosten hett en Buddelmuseum dat en poor dusend Buddeln wiest, de Jan ten Doornkaat sammelt hett.

Verenen ännern

De Turn- un Sportvereen Oosten is 1893 grünnt worrn un de Schützenvereen 1874. De Freewillige Füürwehr is an’n 6. März 1924 grünnt worrn, en Füürwehrmannschop un Füürsprütt harr dat vörher aver al siet 1776 geven.

Weertschop un Infrastruktur ännern

Verkehr ännern

Oosten liggt an de Bundsstraat 495, de in’n Noordoosten över Schüttdamm, Neelannermoor un Neeland an de Landsstraat 111 ranlöppt. In’n Süüdwesten löppt de B 495 na Basbeek/Warstood un is dor mit de B 73 verbunnen. De B 495 geiht denn wieder na Loomst. Ans gifft dat noch en lüttjere Straat an’n Oostendiek langs, de na Achthöbenerdiek un Rönndiek löppt.

De nächste Autobahn is de Autobahn 26 (Afsnidd StoodHamborg). De Opfohrt 2 Stood-Süüd liggt so 30 Kilometer in’n Süüdoosten von Oosten an de B 73.

De nächste Bahnhoff is de Bahnhoff Hemmoor in Basbeek an de Nedderelvbahn von Cuxhoben na Hamborg.

Scholen ännern

Oosten hett en Kinnergoorn un de Grundschool Oosten, de 1965 boot worrn is.

Lüüd ännern

De Theoloog Nicolaus Hardkopf is 1582 un de Architekt Claus Krönck 1771 in Oosten boren. Ok de plattdüütsche Schriever Hermann Krönck keem ut Oosten. De Politiker Diederich Hahn is 1859 in Oosten boren. In Oosten leevt de Journalist Jochen Bölsche.

Literatur ännern

Footnoten ännern

  1. http://www.denkmalprojekt.org/dkm_deutschland/lamstedt_wk1u2_ns.htm
  2. C. H. Jansen: Statistisches Handbuch des Königreichs Hannover. 1824, Sied 470: http://books.google.de/books?id=tG0AAAAAcAAJ&pg=PA470
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 145: http://books.google.de/books?id=eOI-AAAAcAAJ&pg=PA145
  4. Franz Heinrich Ungewitter: Neueste Erdbeschreibung und Staatenkunde. 1858, Sied 420: http://books.google.de/books?id=ZkoNAQAAIAAJ&pg=PA420
  5. http://www.gemeindeverzeichnis.de/gem1900/gem1900.htm?hannover/neuhaus.htm
  6. a b c http://www.verwaltungsgeschichte.de/hadeln.html

Weblenken ännern

  Oosten. Mehr Biller, Videos oder Audiodateien to’t Thema gifft dat bi Wikimedia Commons.