Fickmöhlen

Fickmöhlen is en Dörp in de Gemeen Geestland in’n Landkreis Cuxhoben, Neddersassen. Binnen de Gemeen Geestland höört de Oort to de Oortschop Beers. To Fickmöhlen höört ok dat Good Valenbrook mit bi.

Wapen/Flagg

Koort

Basisdaten

Bundsland: Neddersassen

5,35 km²

195 (2012-00-002012)

Inwahnerdicht:

36,4 Inwahners pro km²

Postleettall:

27624

Vörwahl:

04745

Geograafsche Laag:

Koordinaten:53° 38′ N, 8° 47′ O53° 38′ N, 8° 47′ O

Geografie

Dör Fickmöhlen flütt de Fickmöhlener Beek.

De Naveröörd sünd Flögeln in’n Noordoosten, Beers in’n Süüdoosten, Drangst in’n Süüdwesten, Hemendörp in’n Westen un Stüh in’n Noordwesten.

Historie

Bi Fickmöhlen in’t Flögeler Holt gifft dat en poor ole Hünengräver ut de Bronztied. 1858 un 1880 hebbt se dor twee Goldspiralen funnen, von de de een nu in’t Landsmuseum Hannover liggt.

Fickmöhlen is an’n 1. März 1974 bi de Gemeenreform in Neddersassen mit de Gemeen Beers tohoopleggt worrn. Von’n 1. April 1971 af an hett de Oort to de Samtgemeen Beers tohöört un von’n 1. März 1974 bet to’n 31. Dezember 2014 to de ne’e, gröttere Samtgemeen Beers. De Gemeen Beers un de Samtgemeen Beers sünd to’n 1. Januar 2015 oplööst worrn. Dat ganze Rebeed höört nu to de Gemeen Geestland.

Inwahnertall

Johr	Inwahners
1824-00-001824^[1]	10 Füürsteden
1848-00-001848^[2]	68 Lüüd, 15 Hüüs
1910-12-011. Dezember 1910^[3]	115
1925-00-001925^[4]	153
1933-00-001933^[4]	135
1939-00-001939^[4]	139
1971-00-001971	165
2012-00-002012^[5]	195

Religion

Fickmöhlen is evangeelsch-luthersch präägt un höört to dat Kaspel Flögeln.

Wapen

Dat Wapen wiest baven op roden Grund en sülvern Reiher un ünnen op sülvern Grund en rood Watermöhlenrad. Dat Rad steiht för de Fickmöhl, von de de Oort den Naam hett.

Kultur

En Denkmaal för de Fullenen ut de twee Weltkrieg’ steiht in Flögeln.

Weertschop un Infrastruktur

Verkehr

Fickmöhlen liggt an de Landsstraat 119, de in’n Süüdoosten na Beers löppt un in’n Noordwesten na Niewohl. Na Noordoosten geiht de Kreisstraat 18 na Flögeln. Ans gifft dat noch en lüttjere Straat na Hemendörp.

In’n Süden löppt an Fickmöhlen de Bahnlien Bremerhaven–Beers langs, de aver blot noch as Museumsbahn bedreven warrt.

Scholen

De Kinner ut Fickmöhlen gaht na de Grundschool Beers.

Footnoten

↑ C. H. Jansen: Statistisches Handbuch des Königreichs Hannover. 1824, Sied 184: http://books.google.de/books?id=tG0AAAAAcAAJ&pg=PA184
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131
↑ http://www.gemeindeverzeichnis.de/gem1900/gem1900.htm?hannover/lehe.htm
↑ ^a ^b ^c http://www.verwaltungsgeschichte.de/wesermuende.html
↑ http://www.nordsee-zeitung.de/region/cuxland/Hagen artikel,-Kleiner-Ort-grosse-Feuerwehr- arid,692287.html

Weblenken

Fickmöhlen. Mehr Biller, Videos oder Audiodateien to’t Thema gifft dat bi Wikimedia Commons.

Websteed to Fickmöhlen (hoochdüütsch)

[InwahnertallRef1-1] C. H. Jansen: Statistisches Handbuch des Königreichs Hannover. 1824, Sied 184: http://books.google.de/books?id=tG0AAAAAcAAJ&pg=PA184

[InwahnertallRef2-2] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 131: http://books.google.de/books?id=eOI-AAAAcAAJ&pg=PA131

[InwahnertallRef3-3] ttp://www.gemeindeverzeichnis.de/gem1900/gem1900.htm?hannover/lehe.htm

[verwg.de-4] ttp://www.verwaltungsgeschichte.de/wesermuende.html

[InwahnertallRef8-5] ttp://www.nordsee-zeitung.de/region/cuxland/Hagen artikel,-Kleiner-Ort-grosse-Feuerwehr- arid,692287.html

[1]

[2]

[3]

[4]

[5]