Frank Lizama
Frank Alexander Lizama (* 1931; † 11. Juni 2019 in Orlando, Florida, USA) weer en Politiker ut Belize (UDP).
Leven
ännernLizama is 1931 boren un hett as Snittjer (Warksteed an de Cemetery Road in Belize-Stadt) un Schoolmeester arbeidt.[1] He weer verheiraadt mit siene Fro Sheena.[1] De beiden harrn dree Söhns un dree Döchter.[1]
Lizama is an’n 11. Juni 2019 in Orlando an Kreeft doodbleven.[1] Siene Truurfier weer an’n 19. Juni in de St. Martin De Porres Church un he is op’n Lord Ridge Cemetery begraven worrn.[1]
Politik
ännernBi de Parlamentswahl in Belize 1984 weer he Kannedaat för de UDP in’n Wahlkreis Collet un hett de Wahl mit 52,9 % von de Stimmen gegen Remijio Montejo von de PUP wunnen.
Bi de Wahl 1989 weer he in’n sülven Wahlkreis Kannedaat un hett de Wahl dütmaal mit 40,9 % von de Stimmen gegen Montejo verloren.
Dormit weer he von 1984 bet 1989 Afornten von dat Repräsentantenhuus von Belize.
Von 1983 bet 1989 weer Lizama Afornten in’n Stadtraad von Belize-Stadt.[2] He weer in düsse Tied von 1985 bet 1986 ok Börgermeester von de Stadt.[1]
Ehren
ännern2013 is Lizama to Königin Elisabeth II. ehren Geboortsdag Officer of the Most Excellent Order of the British Empire worrn.
Footnoten
ännern- ↑ a b c d e f Albert J. Ciego: Former Belize City mayor, Frank Lizama, 88, passes, Amandala an’n 15. Juni 2019
- ↑ Myrtle Palacio: Belize City Council Election Results 1962 to 2003
