Friedrich Wilhelm Schlüter

Friedrich Wilhelm Schlüter (* 18. März 1803 in Hannover; † 4. September 1860 in Münnen) weer en düütschen Verwaltungsbeamten.

Schlüter is 1803 as Söhn von’n Kummissionsraad Konrad Ernst Schlüter (1766–1834) in Hannover boren un dor an’n 29. März in de Slottkark döfft worrn. Nadem he in Hannover op School weer, hett he sik an’n 6. Mai 1821 för en Studium von de Juristeree an de Universität Göttingen inschreven (twete Immatrikulatschoon an’n 5. November 1823). Dor is he 1823 Maat von dat Corps Hannovera worrn. Nadem he mit dat Studium trech weer, is Schlüter in’n hannöverschen Verwaltungsdeenst gahn. He weer Amtsassesser bi de Ämter Blumenau, Niestadt, Uchte, Rodenborg un Borgdörp. Nadem de Amtmann von dat Amt Otterbarg, Friedrich Anton Richter, 1850 doodbleven is, hett Schlüter dit Amt 1851 övernahmen. He is dor Amtmann bleven bet dat Amt 1859 oplööst worrn is.

Schlüter hett Henriette Reiche (19. März 1811–6. Februar 1882; Dochter von Franz Arnold Reiche) freet.