Amt Otterbarg
Dat Amt Otterbarg weer en Verwaltungsrebeed in Bremen-Veern un in dat Königriek Hannover mit Seet in Otterbarg binnen de Landdrostie Stood. Dor hett groff dat Rebeed von de hüdige Gemenen Otterbarg (Landkreis Veern), Grasbarg un deelwies Worpsweed (Landkreis Oosterholt), de Samtgemeen Tarms un de Noordwesten von de Samtgemeen Söttmer (Landkreis Rodenborg) tohöört.
Dat Leid över dat Amt harr en Amtmann, de twete Beamte weer bet 1816 de Amtsschriever.
Geografie
ännernDat Amt is in’n Noordoosten an dat Amt Zeven grenzt, in’n Süüdoosten an dat Amt Rodenborg, in’n Süden dat Amt Achem, in’n Süüdwesten dat Bremer Stadtrebeed, in’n Westen dat Amt Leendaal un in’n Noordwesten dat Amt Oosterholt (Stand 1848).
Bet 1852
ännernDat Amt Otterbarg is na’n Dörtigjohrigen Krieg ut de Vaagdie Otterbarg billt worrn.
1848 weer dat Amt so 413,10 km²[1] groot.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Elvmünnen un direkt to Frankriek. Otterbarg weer in disse Tied de Seet von en Kanton. 1813 müssen de Franzosen dat Amt denn opgeven un de ole Stand is wedderkamen.
As 1823 dat Gericht Hanst oplööst worrn is, is dat Dörp Glinst, dat vörher twüschen dat Gericht Hanst un dat Amt Otterbarg opdeelt weer, kumplett an dat Amt Otterbarg gahn. To’n 1. August 1832 is dat Dörp denn aver in dat Amt Zeven wesselt.[2]
To’n 1. Juli 1847 hett dat Amt Otterbarg de Öörd Heidbarg un Seebargen mit dat Koornsaatmoor an dat Amt Leendaal afgeven.[3]
Öörd ahn egen Nummer hebbt to de Buurschop von dat Dörp mit bihöört, ünner dat se ünnerstaht, un weren dormit nich kumplett egenstännig.
|
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
1852–1859
ännernDat Amt Otterbarg hett bi de Verwaltungs- un Justizreform an’n 1. Oktober 1852 in dat Königriek Hannover de Moorvaagdien Huttenbusch un Grasbarg an dat Amt Leendaal afgeven.
As Gericht för dat Amt is to’n 1. Oktober 1852 dat Amtsgericht Otterbarg inricht worrn.
Na 1859
ännern1859 bi de nächste Verwaltungsreform is dat Amt Otterbarg oplööst worrn. Dat Kaspel Söttmer is an dat Amt Rodenborg gahn, de Gemeen Hu’e un dat Kaspel Otterst an dat Amt Achem un de Kaspels Karktimk un Wilst un de Gemeen Narbn an dat Amt Zeven.
Inwahnertall
ännern| Johr | Inwahners |
|---|---|
| 1810[5] | 9.696 Lüüd, 1.408 Füürsteden |
| 1848[1] | 13,354 Lüüd, 1.983 Hüüs |
Amtlüüd
ännern- 9. September 1689–1712: Justus Johann Kelp
- 1712–: Streckerjahn
- –1754: Frese, genannt von Quiter
- 1754–1759: Hermann Heinrich Friedrich Meyer
- 1759–1765: Kühlbrunn
- 1765–1791: Johann Hermann Ruperti
- 1791–: Johann Anton Fischer
- –1805: Stock
- 1805–1844: Johann August Hintze
- 1845–1850: Friedrich Anton Richter
- 1851–1859: Friedrich Wilhelm Schlüter
Amtsschrievers
ännern- 1752–1759: Kühlbrunn
- 1777–1794: Johann Dietrich Andreas Augspurg
- 1794–: Arnold Anton Friedrich Meyer
- ~1803: Georg Christoph Burchard Meyer
Literatur
ännern- Hans-Cord Sarnighausen: Hannoversche Richter und Amtsjuristen von 1715 bis 1859 in Ottersberg (Wümme). In: Rolf Allerheiligen: Heimatkalender für den Landkreis Verden 2014. 2013, S. 119-137
Footnoten
ännern- ↑ a b Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ Christian Hermann Ebhardt: Gesetze, Verordnungen und Ausschreiben für das Königreich Hannover aus dem Zeitraume 1813 bis 1839. Jänecke, Hannover 1839, Band 2, Sied 65
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 166
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 137: https://books.google.de/books?id=c24IAAAAQAAJ&pg=PA137
Hartogdom Bremen: Stadt Stood | Stadt Buxthu | Stadt Bremervöör | Amt Achem | Amt Beers* | Amt Beverst* | Amt Blomendal | Amt Bremervöör | Amt Dorum | Amt Freeborg | Amt Hagen | Amt Harsfeld | Amt Himmelpoorten | Amt Hornborg* | Amt Jörk | Amt Leendaal | Amt Leh | Amt Lesum* | Amt Neehuus | Amt Oosten | Amt Oosterholt | Amt Otterbarg* | Amt Stood* | Amt Wischhoben* | Amt Zeven
Hartogdom Veern: Stadt Veern | Amt Rodenborg | Amt Snevern* | Amt Veern
Land Hadeln: Stadt Oterndörp | Amt Oterndörp
* bet 1859
