Friedrich von der Borch
Friedrich von der Borch (* 1640; † na 1705) weer en Aadligen un Offzeer ut de westfäälsche Eddelfamilie von der Borch.
Von der Borch is 1640 boren un 1656 in’n kaiserlichen Militärdeenst gahn. He weer as Oberst-Wachtmeester bi’n Törkenkrieg dorbi. Üm 1670 weer he Kummandant in Patterbuorn, later in bruunswieksche Deensten un denn Ossenbrügger Regimentskummandant. 1687 weer he Obrist un Viez-Kummandant in Hamborg. As he in sweedsche Deensten stünn, hett von der Borch an’n 29. April 1682 dat Good Schönebeck bi Bremen köfft.
Üm 1700 rüm hett von der Borch as Herr op Schönebeck de Öörd Nee-Schönebeck, Friedrichsdörp un Borchshöh nee grünnt. De von der Borch weren in disse Tied ok Gerichtsherren von de Böörd Leessem.
De Graffsteens von Anna Elisabeth un Friedrich von der Borch finnt sik an de süden Sied von’n Toorn von den olen Karkhoff von de Martin-Kark in Leessem.
Wapen ännern
Dat Wapen von de Familie von der Borch wiest op sülvern Grund dree swarte Raven mit rode Fööt un op en apen Ridderhelm jüst so en Raav twüschen twee swarte Aadlerflünk.
Üm 1840 is düt Wapen ok op dat Segel von dat Gericht Leessem-Schönebeck opdükert.