Friedrichsdörp (Bremen)

Friedrichsdörp (hoochdüütsch Friedrichsdorf) weer en Dörp bi Vesack. De Oort is vondaag kumplett mit de Naveröörd tohoopwussen un dat Rebeed höört to’n Oortsdeel Schönebeck in’n Stadtdeel Vesack von de Stadt Bremen.

Geografie

Dat Rebeed liggt op de Oosterholter Geest. Dat Water ut dat Rebeed flütt över de Schönebecker Au af.

In histoorsche Tieden weren de Naveröörd Schönebeck in’n Noorden, Holthorst in’n Noordoosten, Nee-Schönebeck in’n Oosten, Sankt Magnus in’n Süüdoosten, Grohn in’n Süüdwesten un Bröcken un Voraumund in’n Westen.

Historie

Friedrichsdörp is üm 1700 rüm von Friedrich von der Borch, Herr op Good Schönebeck, grünnt worrn. Na em hett dat Dörp ok sien Naam kregen.

Verwaltungsgeschicht

De Oort hett vör 1852 to’n Bezirk Schönebeck von dat Gericht Leessem-Schönebeck tohöört, von 1852 bet 1859 to dat Amt Leessem un denn von 1859 bet 1885 to dat Amt Blomendal. Na 1885 weer dat in’n Kreis Blomendal, de 1932 Deel von’n Kreis Oosterholt worrn is.

De Oort is 1908 an de Gemeen Sankt Magnus kamen. En Deel von dat Dörp is aver ok an Schönebeck fullen. 1939 sünd de Gemenen Sankt Magnus un Schönebeck denn Deel von de Stadt Bremen worrn.

Inwahnertall

Johr	Inwahners
1848-00-001848	46 Lüüd, 6 Hüüs
1871-12-011. Dezember 1871	153 Lüüd, 23 Hüüs
1885-12-011. Dezember 1885	185 Lüüd, 30 Hüüs
1895-00-001895	259

Religion

Friedrichsdörp is evangeelsch-luthersch präägt un höört siet 1967 to de Karkengemeen von de St.-Magni-Kark in St. Magnus. Vörher hett de Oort to dat Kaspel von de Martin-Kark in Leessem höört.

För de Kathoolschen is de Hillige-Familie-Kark in Grohn tostännig.