Georgie Auld

Georgie Auld (eegentlich John Altwerger; * 19. Mai 1919 in Toronto, Ontario; † 8. Januar 1990 in Palm Springs, Kalifornien) weer en US-amerikaanschen Jazz-Tenorsaxophonist, Klarinettist un Bandleader vun den Swing.

Georgie Auld (1947)

Leven

Auld is in Kanada upwussen, leev aber siet Enn vun de 1920er Johren in de USA un harr eerste Uptritte mit eegen Formationen in de New Yorker Stadtdeel Greenwich Village, so in de Jazzclub Nick´s. Later arbeit he in Orchesters vun Bunny Berigan 1937/38, denn 1938/39 bi Artie Shaw, de sien Orchester he 1940 övernehm. 1940/41 speel he bi Benny Goodman, 1941/42 wedder bi Shaw un, bit he to de US-Army inberopen wurr, mit en eegen Big Band.

1949 harr he an’ Broadway sien Debüt as Schauspeler in dat Stück The Rat Race. Dorneben speel he mit Erroll Garner, Dizzy Gillespie, Al Porcino, Billy Eckstine, Tiny Kahn, Frank Rosolino, mit de he en Quintett un en Big Band bild. Neben sien Gastuptritte in völ Swingbands hett Auld ok eegen Formationen leit, as Georgie Auld and His Orchestra un Georgie Auld and His Hollywood All Stars.

1977 speel he in de Film New York, New York en Bandleader un weer ok as technisch Berader för dissen Film tätig. Tietwies harr Auld en Club in Hollywood un weer as Agent vun der Musikergerwerkschaft tätig.

Sien expressiv Stil weer anfangs vun Coleman Hawkins beeinfloot, wessel denn aber in en modernistisch Variante vun den Stil vun Jimmy Lunceford.

Utwahldiskographie

• Jump, Georgie, Jump (Hep, 1940. 1944)
• Handicap (Discovery, 1945-47)
• Auld-Hawkins-Wewbster-Sextet: Rainbow Mist (Delmark, 1944)
• Airmail Special (Fresh Sound Records)

Literatur/Born

• Martin Kunzler: Jazzlexikon, Reinbek, Rowohlt, 1993
• Richard Cook & Brian Morton: The Penguin Guide to Jazz on CD, 6th Edition, London, Penguin, 2002 ISBN 0-14-017949-6.

Weblenken/Born

• http://www.swingmusic.net/Auld_Georgie.html
• Biographie in de Bigband Library
• Personennaamdatei