Gleihdraht

(wiederwiest vun Gleihwennel)

En Gleihdraht (ok Gleihwennel oder Gleihfaden) is en fienen opwennelten, d. h. in sik verdreihten, Draht de dör sien Wedderstand en elektrischen Stroom in Warms- un Strahelnenergie ümwannelt. Dat bedüd, dat de Draht so hitt warrt dorbi, dat he anfangt to gleihn un dorüm Licht afstrahlt. Gleihdröhd sünd de wichtigsten Bestanddeelen vun Gleihlampen oder ok Gleihbeern.

In’n Ünnerscheed to en Heizwennel, warrt de Gleihwennel bi höögere Temperaturen bedreven. Dordör warrt en gröttere Andeel vun de Strahlen in dat Rebeet vun’t Licht afgeven, dat man sehn kann (ungefäähr 3-15%).

En Dubbelwennel-Gleihdraht in Bruuk bi siede Temperatur (dat een nich glieks blennt waart).

Gleihdröhd sünd tomeist ut Wolfram maakt, wiel dat Element en bannig hoogen Smöltpunkt hett. Fröher weer dorto ok faken Osmium bruukt. Vun disse beiden Elementen is ok de Naam vun den Lampenmaker Osram tohopensett: Osmium un Wolfram. Wenn de Draht nu hitt warrt, künn dat Metall mit den Suerstoff in de Luft oxideeren un dorbi verbrennen. Üm dat to verhinnern, warrt en Schuulgas – tomeist en Gemisch ut Argon un Stickstoff – in de Gleihbeern maakt, womit de Faden nicht reageeren kann.

Sünnere Formen vun Gleihdröhd sünd to’n een de Flachwenneln, de in Projektschoonslampen bruukt warrt. De staht dwars to’n optischen Strahlengang un sünd rechteckig torech maakt. En annerer Oort sünd de Dubbelwenneln, wat en Wennel is, de noch mal in sik sülbst to en Wennel dreiht is, as man dat op dat Bild sehn kann. In disse Oort sünd die Wenneln en beten dichter tohopenpackt un hitt sik gegensietig op. Dordör warrt mehr Licht wunnen as bi eenfache Wenneln.