Goldflege

De Goldflege oder Goldfleeg (Lucilia sericata) is en Flege ut de Familie vun de Brummers (Calliphoridae). Se is in Europa un Asien tohuse.

Goldflege; Goldfleeg
Goldflege
Systematik
Domään: Eukaryota ahn Rang: Veelzellers (Metazoa) Afdeel: Geweevdeerter (Eumetazoa) Ünnerafdeel: Tweesiedendeerter (Bilateria) ahn Rang: Ehrdermünner (Protostomia) Böverstamm: Huututtreckers (Ecdysozoa) Stamm: Liddfööt (Arthopoda) Ünnerstamm: Tracheendeerter (Tracheata) Böverklass: Sessfööt (Hexapoda) Klass: Insekten (Insecta) Böverornen: Neeflunken (Neoptera) Ornen: Tweeflunken (Diptera) Ünnerornen: Flegen (Brachycera) Familie: Brummers (Calliphoridae) Oort: Goldflege (Lucilia sericata)
Wetenschoplich Naam
Lucilia sericata
Meigen, 1826

Kennteken

Dat Lief vun de Flegen warrt 7 bit 11 Millimeters lang un glimmert goldgröön. De veerte Langsader vun de Flunken is scharp afknickt.

Wie se leven deit

Dat Seken leggt siene Eier sunnerlich up Aas af. Dor freet de Budden denn vun. De adulten Flegen suugt an Aas, man se fleegt ok na Blöten hen un suugt dor Nektar ut.

Lucilia sericata paart sik

Budden

De Budden vun de Goldflege sünd in'n Hannel as Pinky Maden to kriegen. Den Naam hefft se vun de Budden ehre rosa (pinke) Farv her. Pinkies weert as Lockspies bi't Angeln un ok as Foder in de Terraristik bruukt, sunnerlich as Foder for Insekten.

Insatz in de Humanmedizin

Sterile Pinky Maden weert in Speziallabore tücht un könnt in de Wundtherapie insett weern, liek as de Buddentherapie. Nadem dat Penicillin utfunnen wurrn weer, is düsse Aart vun Behanneln torüchgahn, man siet en Reeg vun Johren kummt se wedder torüch in de mediziensche Praxis, vunwegen datt se goot hölpen deit un ok bi Antibiotikum-Resistenz antowennen is.

Weblenken

Goldflege. Mehr Biller, Videos oder Audiodateien to’t Thema gifft dat bi Wikimedia Commons.

• www.insektenbox.de