Gunther O. Hofmann
| Gunther O. Hofmann | ||
| Personen-Informatschoonen | ||
|---|---|---|
| Boortsdag | 22 Mai 1957 | |
| Boortsstell | Landshut, Bayern, Düütschland | |
| Natschoonalität |  düütsch
| |
| Wohnoort | Halle (Saale) | |
| Kunnig för | Medizin, Physik | |
| Arbeid | Klinikdirekter, Professer | |
| Uttekens | Otto-Götze-Pries Herbert-Stiller-Pries Science4Life Venture Cup | |
Gunther O. Hofmann (* 22. Mai 1957 in Landshut/Bayern) is en düütschen Dokter, Wetenschopler un Professor.
Leven
ännernProf. Dr. Dr. Gunther O. Hofmann wurr boren in Landshut, Bayern, Düütschland. Bit 1982 weer he op de Ludwig Maximilian Universität München, wo he sien Dokter vun’e Medizin maakt hett. Achteran güng he to de Technische Universität München to'm studeern vun Physik bit to sien Afschluss 1984. Nu bleev he noch do un maakte 1987 den Dokter vun’e Naturwetenschop (Dr. rer. nat.).
1987 hett Hofmann to warken anfangen as Wetenschoplicher Mitarbeider an't Klinikum vun de Ludwig Maximilians Universität München bit to siene Habilitatschoon 1992. Dan weer he eene Tiedlang vunwegen de Wetenschop to Besöök an'n Massachusetts General Hospital in Boston, Massachusetts, USA un naast fung he to warken an in de chirurgische Krankenhuus vun de Ludwig-Maximilians-Universität München in'n sülven Johr (1992). 1995 güng he to de Berufsgenossenschaftliche Unfallklinik Murnau.
Siet 2004 is Prof. Dr. Dr. Gunther O. Hofmann nu Direkter vun de Berufsgenossenschaftlichen Kliniken Bergmannstrost in Halle (Saale) in’t Bundsland Sassen-Anholt un gliektiedig Direkter vun de Klinik för Unfall-, Hand- un Wedderherstellchirurgie vun de Friedrich Schiller Universität Jena, in’t Bundsland Döringen.
Wark
ännernForschung
ännernHauptsach bi sien Arbeid is ünner anner'n, to ünnersöken ob dat anners Tüüch gifft, wat he insetten kunn, wenn de Knaken orrer de Lidd nich mehr recht to bruuken sin; butendeem Entzünnungen bi Knaken, reeknerstütte Operatschoonen, künstlich maakte Körperdelen (to'n Bispill künstlich maakte Hand mit Mikro- Sensoren).[1]
- 1997 Biologisch abbaubare Knochenimplantate (Knakenimplantate to'n afboon) in: Spektrum der Wissenschaft 2/1997[3]
- 2004 Infektionen der Knochen und Gelenke (Entzünnungen bi Knaken un Lidd) in: Traumatologie und Orthopädie, Verloog Urban & Fischer, München/Jena
- 2006 Knochen- und Gelenktransplantation (Transplantatschoon, Inplanten vun Knaken un Lidd vun annern Lüüd) in: Transplantationsmedizin. Ein Leitfaden für den Praktiker S. 241-252 Verloog Walter de Gruyter Berlin
Liddmaten vun (ünner annerm)
ännern- Deutsche Gesellschaft für Chirurgie (Düütsche Sellschop för Chirurgie)
- Deutsche Gesellschaft für Unfallchirurgie (Düütsche Sellschop för Unfallchirurgie)
- Verband leitender Unfallchirurgen e.V. (VLU)
- AIOD Association Internationale pour l´Ostéosynthèse Dynamique[4]
- AO Deutschland, eene Vereenigung vun Chirurgen, Orthopäden, Kieferchirurgen un Ärzten vun annern medizinischer Fackafdelen, die mit de Chirurgie vun'n Stütt- un Bewegensapparat to doon harrn[5]
Uttekens
ännernWeblenken
ännern- De Levensloop vun Gunther O. Hofmann up de Websteed vun de BG-Kliniken Bergmannstrost Halle
- De Levensloop un wat he schreven tat up de Websteed vun BiomedExperts (engelsch)
Enkeld Nahwiesen
ännern- ↑ künstlich maakte Hand mit Mikrosensoren afropen an’n 15.04.2011
- ↑ Liste von Publikationen bei springerlink afropen an’n 12. April 2011
- ↑ spektrumverlag.de afropen an’n 13. April 2011
- ↑ Webseite der AIOD afropen an’n 17. April 2011
- ↑ AO Deutschland afropen an’n 17. April 2011
- ↑ Herbert-Stiller-Preis afropen an’n 13. April 2011
- ↑ science4life Preisträger 2008 afropen an’n 14. April 2011