Haneworth is en Goodshoff in de Heid twüschen Loomst un Mittelsnohn, de 1914 von Diederich Hahn grünnt worrn is.

Geografie ännern

De Hoff liggt op de Loomster Geest.

De Öörd ümto sünd Nordahn in’n Noorden, Rahden in’n Noordoosten, Loomst mit Köben in’n Oosten, Armsdörp un Hoorn in’n Süden, Maurismaur in’n Süüdwesten un Mittelsnohn in’n Noordwesten.

Historie ännern

1913 hett Hahn Heid- un Moorland bi Loomst opköfft. Hahn hett denn so üm un bi 325 Morgen Land beseten un dor dat Good Haneworth grünnt. Dat Goodshuus is in’n Sommer 1914 boot worrn. Nadem de Eerste Weltkrieg utbraken is, is Hahn as Freewilligen an de Westfront gahn. Bi’n Opbo hebbt Kriegsfungene ut Flannern mithulpen. Nadem Diederich Hahn 1918 unverwacht doodbleven is, kunn sien Weetfro Margarethe dat Good nich mehr hollen un is 1919 mit de fiev Kinner wegtrocken. Toeerst weer de Plaan, dat Good in Parzellen optodelen, aver denn hett 1921 de Tegelee-Besitter Hermann Eylmann ut Drochters dat Good köfft. Dat Good is bet 1975 von de Eylmanns bedreven worrn (toletzt von Hermann Eylmann sien Dochter Wilma Gresens) un is denn as Pachtbedriev an de Familie Steinbacher kamen. De Pacht is 2000 utlopen un denn hett Wilma Gresens ehr Söhn Heinz-Christian Gresens den Bedriev övernahmen un anfungen, dor Peertucht to drieven.

Dat Good is 2003 as Denkmaal schuult worrn. 2006 is in’n Süden von dat Good de Windpark Mittelsnohn mit söss Windrääd boot worrn un kort later de Windpark Loomst mit ölven Windrääd. Gegen de beiden Windparks hebbt de Besitters von Good Haneworth klaagt, von wegen, dat de Windrääd de Landschop verschanneln deen, hebbt den Prozess aver nich wunnen. 2012 hebbt se aver Recht kregen, dat tominnst de Windmöhl, de opdichtst bi steiht, to dicht an dat Good is un wedder afboot warrn mutt.

Weblenken ännern


Koordinaten:53° 38′ N, 9° 3′ O