Nordahn is en Dörp in de Gemeen Mittelsnohn in’n Landkreis Cuxhoben, Neddersassen.

Wapen/Flagg Koort

Wapen vun Nordahn

Nordahn
Laag vun Nordahn in Düütschland
Basisdaten
Bundsland: Neddersassen
Landkreis: Cuxhoben
Gemeen: Mittelsnohn
Flach: 10,74 km²
Inwahners: 222 (2009-12-3131. Dezember 2009)
Inwahnerdicht: 20,7 Inwahners pro km²
Postleettall: 21770
Vörwahl: 04773
Geograafsche Laag:
Koordinaten:53° 40′ N, 9° 3′ O
53° 40′ N, 9° 3′ O
Varrel (Landkreis Cuxhoben)NordahnMittelsnohn
Laag von Nordahn in de Gemeen Mittelsnohn (Koort lett sik anklicken)

Karte

Geografie ännern

In’n Noordwesten von dat Dörp liggt de Balksee. An Nordahn doot de beiden Beken Lembeek (in’n Noorden) un Ohrensbeek (in’n Süden) vörbifleten. De Lembeek kummt von’n Westerbarg un münnt in’n Noordwesten von Nordahn in’n Ohrensbeek. De Ohrensbeek wedder münnt in’n Balksee.

De Naveröörd sünd Varrel in’n Noorden, Heeßel, Wohlenbeek un Rahden in’n Oosten, Loomst in’n Süüdoosten, Mittelsnohn in’n Süden, Stinst in’n Westen un Boomoor un Eekhoffsbarg in’n Noordwesten.

Historie ännern

In de Oorkunnen kummt de Oort toeerst 986 vör.

In’n Eersten Weltkrieg sünd fiev Soldaten ut Nordahn fullen oder vermisst un in’n Tweten Weltkrieg 27[1].

In de Franzosentied von 1810 bet 1814 hett de Oort to de Mairie Loomst in’n Kanton Bremervöör höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

Nordahn is an’n 1. Juli 1972 mit de Gemeen Mittelsnohn tohoopleggt worrn.

Inwahnertall ännern

Johr Inwahners
1824-00-001824[2] 26 Füürsteden
1848-00-001848[3] 218 Lüüd, 37 Hüüs
1910-12-011. Dezember 1910[4] 199
1925-00-001925[5] 220
1933-00-001933[5] 209
1939-00-001939[5] 217
2009-12-3131. Dezember 2009[6] 222

Religion ännern

Nordahn is evangeelsch-luthersch präägt un höört to dat Kaspel von de Bartelmees-Kark in Loomst.

För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.

Wapen ännern

Dat Wapen von Nordahn wiest op gollen Grund twee swarte, rood bewehrte Borenklauen, de na baven un na buten richt sünd. Ünner de Klauen is dat gröne Bladd von en Lebberbloom to sehn.

De Borenklauen kaamt ut dat Wapen von de Greven von Heien. Dat wiest dor op hen, dat in dat 13. Johrhunnert de Greven von Heien de Vaagdie Ahn as Lehn an de von Brobargen vergeven hebbt. De Lebberbloom wiest op’t Nordahner Holt hen, in dat düsse Bloom noch vörkummt.

Kultur ännern

In Nordahn gifft dat en Denkmaal för de Fullenen ut de twee Weltkrieg’.

Verenen ännern

De Schüttenvereen Nordahn is 1908 grünnt worrn.

Weertschop un Infrastruktur ännern

Nordahn hett en egene freewillige Füürwehr, de an’n 30. März 1912 grünnt worrn is. Vörher hett dat en Plichtfüürwehr geven. Dat aktuelle Sprüttenhuus is 1958 boot worrn.

Verkehr ännern

Nordahn liggt an de Kreisstraat 29, de in’n Noorden na Varrel un Westersood löppt un in’n Süden na Mittelsnohn an de Landsstraat 116 ran. En lüttjere Straat geiht ans in’n Oosten na de K 21 ran, de in’n Süüdwesten na Loomst löppt.

De nächste Bahnhoff is de Bahnhoff Hemmoor an de Nedderelvbahn.

Literatur ännern

  • Heinrich E. Hansen: Nordahn: Ein Dorf in der Börde Lamstedt. 1986

Footnoten ännern

  1. http://www.denkmalprojekt.org/dkm_deutschland/nordahn_mittelstenahe_ns.htm
  2. C. H. Jansen: Statistisches Handbuch des Königreichs Hannover. 1824, Sied 444: http://books.google.de/books?id=tG0AAAAAcAAJ&pg=PA444
  3. Friedrich W. Harseim, C. Schlüter: Statistisches Handbuch für das Königreich Hannover. 1848, Sied 133: http://books.google.de/books?id=eOI-AAAAcAAJ&pg=PA133
  4. http://www.gemeindeverzeichnis.de/gem1900/gem1900.htm?hannover/neuhaus.htm
  5. a b c http://www.verwaltungsgeschichte.de/hadeln.html
  6. http://boerde-lamstedt.der-norden.de/rathaus/zahlen.html

Weblenken ännern

  Nordahn. Mehr Biller, Videos oder Audiodateien to’t Thema gifft dat bi Wikimedia Commons.