Hoorn (Armsdörp)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21769 | |
| Vörwahl: | 04773 | |
| Geograafsche Laag: | Koordinaten:53° 37′ N, 9° 1′ O53° 37′ N, 9° 1′ O | |
|
| ||
Hoorn (hoochdüütsch Horn) is en Oortsdeel von dat Dörp Armsdörp in de Gemeen Armsdörp (Samtgemeen Loomst) in’n Landkreis Cuxhoben, Neddersassen.
Geografie ännern
De Oort liggt deelwies op de Loomster Geest un deelwies in dat Lange Moor. Dat Water ut dat Rebeed flütt över de Hoornbeek/Gösch un de Moorau af. In’n Oosten liggt dat Holt Toslag. De höögste liggt in’n Süüdoosten op de Geest. Dat is de Hoge Fro mit knapp 42 m över NN. De Hoornbarg is noch wat sieder.
De Naveröörd sünd Sticht, Mittelsnohn un Haneworth in’n Noorden, Loomst un Nindörp in’n Noordoosten, Armsdörp in’n Süüdoosten, Doornsood un Langenmoor in’n Süden, Meckelst in’n Süüdwesten un Maurismaur un Stinst in’n Noordwesten.
Historie ännern
Hoorn is temlich langtagen. Dat sünd söss Kilometer von de eersten Hüüs bi Armsdörp bet na de Hüüs direkt an de Grenz na Maurismaur. De letzten Hüüs bi Maurismaur sünd Deel von de Gemeen Armsdörp, billt aver de facto al en Deel von dat Dörp Maurismaur.
Hoorn weer al jümmer Deel von Armsdörp.
Religion ännern
Hoorn is evangeelsch-luthersch präägt un höört to dat Kaspel von de Bartelmees-Kark in Loomst.
För de Kathoolschen is de St.-Ansgar-Kark in Warstood tostännig, de siet 2010 Deel von de Karkengemeen Hillig Geist in Stood is.
Weertschop un Infrastruktur ännern
För Hoorn is de freewillige Füürwehr Armsdörp mit tostännig.
Verkehr ännern
De Oort Hoorn liggt langs de Straat, de ok den Naam Hoorn driggt. Düsse Straat löppt in’n Noordwesten na Maurismaur un dor an de Landsstraat 116 un in’n Süüdoosten na Armsdörp un dor an de Kreisstraat 31, de kort later in de Bundsstraat 495 münnt. De L 116 föhrt von Maurismaur in’n Westen över Lintig na Beers. De B 495 geiht von Armsdörp in’n Noorden na Loomst un wieder na Hemmoor/Basbeek/Warstood un in’n Süden över Alfs na Bremervöör.
De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 5 Debst liggt so 28 Kilometer in’n Westen von Hoorn an de L 120.
De nächste Bahnhoff is so bi 16 Kilometer wied weg in’n Noordoosten de Bahnhoff Hemmoor an de Nedderelvbahn von Cuxhoben na Hamborg.