Hanna Kebinger
Hanna Kebinger (* 26. November 1997 in Garmisch-Partenkirchen) is en düütsch Biathletin.
Leven
ännernHanna Kebinger stammt ut Grainau un hör Vereen is de Skiclub Partenkirchen. Hör eerst internatschonalen Rennen hett se in’n Dezember 2017 bi den IBU-Junior-Cup in Obertilliach bestreeden. In de folgend Johren hett se an verscheeden Junioreneuropa- un Weltmeesterschapen deelnommen, hett aber ok Rennen in den dartklassigen Düütschlandpokal bestreeden. Bi de Biathlon-Juniorenweltmeesterschapen 2019 wunn se Bronze in’n Sprint, Sülver in de Verfolgung un – gemeensam mit Franziska Pfnür un Juliane Frühwirt – in dat Staffelrennen. Kört dorup hett se ok an de Biathlon-Europameisterschaften 2019 deelnommen, wo se aber de Medaillenränge düütlich verpasst hett.
Hör Deelnahm an de Junioreneuropameesterschapen in dat norweegsch Sjusjøen weer dornah düütlich spoodrieker. Se wunn Bronze in de Mixedstaffel un Sülver in de Verfolgung gewann. Af 2021 hett Kebinger ok an’n regulären IBU-Cup deelnommen. In dat dart Rennen stunn se bi en körten Eenzelwettkamp in Brezno as Tweet up dat Podest, blots um wenige Sekunnen vun hör Mannschapskollegin Vanessa Voigt slahn. Dat letzt Rennen vun de Saison, de Mixedstaffel in Obertilliach, wunn se gemeensam mit Marion Deigentesch, Dominic Schmuck un Lucas Fratzscher.
In de Saison 2021/22 keem se eerstmals in den Biathlon-Weltcup in twee Rennen t’n Insatz, keem dorbi aber nich in de Punkteränge. Överhoopt leep dat nich so goot in hör Loopbahn. In de Folgesaison fung dat ok nich goot an, se full dör de Folgen vun verscheeden Krankheiten sogor in de dartklassig Reeg torüch. Vanessa Hinz hett in de Saison hör Loopbahn afslooten und Franziska Preuß full ok ut und Hanna Kebbinger hett sück düchtig stiegert. So keem se sogor weer in’n Weltcup to’n Insatz. In Antholz, de letzt Statschoon vör de Weltmeesterschapen, keem se in’n Sprint up den 19. Platz un reck hör eerst Weltcuppunkte. In de anslutend Verfolgung reck se sogor den 10. Platz. So keem se wat unverwacht sogor in den Kader für de Biathlon-Weltmeesterschapen 2023. Dor reck se denn in’n Sprint den 17. Platz un in de Verfolgung sogor up Platz 8. In’t Eenzel reck dat för Platz 30 un in’n Massenstart keem se up den 12. Platz. Mit de Staffel an de Siet vun Vanessa Voigt, Sophia Schneider un Denise Herrmann Wick wunn se bi disse Weltmeesterschapen sogor de Sülvermedaille. Ok nah de Weltmeesterschapen leep dat wiederhen goot mit. Bi den Sprint vun Nové Město keem se up den 12. Rang un verbeter sück in de ansluutend Verfolgung sogor up den 7. Platz. Hör best Ergevnis in de Saison reck se bi dat letzt Rennen, dat Verfolgungsrennen in Oslo, wo se up Platz 4 rinkeem, knapp slahn vun de Französin Anaïs Chevalier-Bouchet. In den Gesamt-Weltcup keem se dormit up Rang 25.
Weblinks
ännern- Indrag bi de IBU
- Athletenprofil up dsv-jahrbuch.de