Hans Arthur Meyer
Hans Arthur Meyer (* 13. März 1884 in Halverstidde; † 1961 in Berlin) weer en düütschen Politiker.
Meyer is 1884 in Halverstidde boren un hett Juristeree an de Universitäten Marburg un Mönster studeert. He hett toeerst en richterliche Loopbahn inslahn, is denn 1915 aver Börgermeester in Briesen worrn. He harr 1915 aver ok noch en Praxis as Avkaat in Gollub. 1918 weer he Anstellten bi’n Magistraat von Thorn un 1919 bet 1926 denn Senater in Göttingen.
Meyer is an’n 15. April 1926 as Nafolger von Hans Mentzel Börgermeester von Stood worrn un dat bet to’n 18. April 1938 bleven. Na em is Carl Nörtemann von de NSDAP Börgermeester worrn.
Nadem Meyer as Börgermeester afsett worrn is, hett he as Avkaat in Berlin anfungen.
He weer von 1926 bet 1935 ok Vörsitter von’n Stoder Geschichts- un Heimatvereen.
