Hartwig Steenken

Hartwig Steenken (* 23. Juli 1941 in Twustern; † 10. Januar 1978 in Hannober) weer en düütsch Springrieder.

Hartwig Steenken (1973)

He gellt noch hüüd as en vun de best Stilisten in Springsaddel vun all Tieden. Sien gröttsten Spood harr he tosommen mit de Mähr Simona, mit de he ünner annern 1974 in Hickstead Weltmeester wurr. He hett ok en dunkelbruun Hannoveraner Wallach as Springpeerd utbildt, de nah sien Dood ünner Paul Schockemöhle as Deister en vun de spoodriekst Springpeer vun de Welt wurr.

Hartwig Steenken is an’ 10. Januar 1978 up de Intensivstatschoon vun de Medizinisch Hoochschool Hannover storven, nahdem he siet en Autounfall in Juli 1977 in Kolenweie in’t Koma leeg.

Wat he schafft hett

• Olympisch Spelen
  • 1972 in München: Goldmedaille Mannschap, up Simona (gemeensam mit Hans Günter Winkler, Gerd Wiltfang un Fritz Ligges)
• Weltmeesterschap
  • 1974 in Hickstead: Goldmedaille Eenzel up Simona
• Europameesterschap
  • 1971 in Aken: Goldmedaille Eenzel up Simona
  • 1975 in München: Goldmedaille Mannschap, Sülvermedaille Eenzel up Erle
• wiedere
  • dreemal Düütsch Meester (1969, 1970, 1973) jeweils up Simona
  • 1973 Sieger vun dat Düütsch Springderby in Hamborg up Simona
  • 1974 Sieger vun dat Düütsch Springderby in Hamborg up Kosmos

Weblenken

• Hartwig Steenken in de Datenbank vun Sports-Reference.com (engelsch)
• Utführlich Artikel to dat Leven vun Hartwig Steenken

Literatur

• Eckhard F. Schröter: Das Glück dieser Erde. Leben und Karriere deutscher Springreiter. Fischer-Taschenbuch-Verlag, Frankfort a. M. 1980. ISBN 3-596-23019-5