Heimbrook

Wapen/Flagg

Koort

Basisdaten

Bundsland: Neddersassen

21614

04161

Koordinaten:53° 26′ N, 9° 41′ O53° 26′ N, 9° 41′ O

Heimbrook (hoochdüütsch Heimbruch) is en Dörp in de Gemeen Buxthu in’n Landkreis Stood, Neddersassen. De Oort liggt an de Eest. Binnen de Gemeen höört de Oort to de polietsche Oortschop Doans.

Geografie

De Naveröörd sünd Buxthu in’n Noorden, Pippens in’n Oosten, Doans in’n Süüdoosten, Nindörp in’n Süüdwesten un Ottens in’n Noordwesten.

Historie

Heimbrook kummt 1204 toeerst in de Oorkunnen vör. De Oort is woll twischen 1196 un 1204 as Wahnoort von Hinrik van dem Heinbroke grünnt worrn.

In’n Eersten Weltkrieg sünd dree Soldaten ut Heimbrook fullen oder vermisst un in’n Tweten acht^[1].

Verwaltungsgeschicht

Von 1819 af an hett Heimbrook tohoop mit Doans un Pippens en Gemeen billt. De Gemeen leeg vör 1859 in’t Amt Mesborg, denn bet 1885 in’t Amt Töst un weer na 1885 Deel von’n Kreis Horborg un von 1932 af an Landkreis Horborg.

De Gemeen is an’n 1. Juli 1972 bi de Gemeenreform in Neddersassen mit de Gemeen Buxthu tohoopleggt worrn un dorbi von’n Landkreis Horborg to’n Landkreis Stood wesselt. Vondaag billt de dree Öörd tohoop en Oortschop mit Oortsvörsteiher binnen Buxthu.

Inwahnertall

Johr	Inwahners
1824-00-001824^[2]	6 Füürsteden
1848-00-001848^[3]	47 Lüüd, 7 Hüüs
1871-12-011. Dezember 1871^[4]	45 Lüüd, 8 Hüüs

Religion

Heimbrook is evangeelsch-luthersch präägt un höört to dat Kaspel Mesborg.

För de Kathoolschen is de St.-Maria-Kark in Buxthu tostännig.

Kultur

En Denkmaal för de Fullenen ut Doans, Pippens un Heimbrook ut de twee Weltkrieg’ steiht in Pippens an de Mesbörger Landstraat.

Weertschop un Infrastruktur

Verkehr

Heimbrook is över de Heimbroker Straat mit Pippens un över den Doanster Weg mit Doans verbunnen un geiht in beide Öörd an de Landsstraat 141 ran, de in’n Noorden na Buxthu löppt un in’n Süden na Mesborg. Na Westen to sperrt de Eest den Verkehr af.

Scholen

Na Grundschool gaht de Kinner op de Grundschool Ooldklooster.

Ver- un Entsorgung

För dat Afwater is de Stadtentwässerung Buxthu tostännig.

Literatur

Arbeitskreis der Dorfgemeinden: Pippensen, Heimbruch, Daensen – drei Dörfer, eine Gemeinschaft. rutgeven in’n August 1996
Willi Meyne: Die ehemalige Hausvogtei Moisburg. Geschichte ihrer Dörfer und Höfe. 1936
Wilhelm Marquart: Die Harburger Geestdörfer der Stadt Buxtehude. Buxthu, 1981

Footnoten

↑ http://www.denkmalprojekt.org/dkm_deutschland/buxtehude-pippensen_wk1u2_ns.htm
↑ C. H. Jansen: Statistisches Handbuch des Königreichs Hannover. 1824, Sied 262: http://books.google.de/books?id=tG0AAAAAcAAJ&pg=PA262
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99
↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131

De Artikel „Heimbrook“ is een exklusiven Artikel up de Plattdüütsche Wikiepdia. In anner Spraakuutgaven is de nich to finnen.

[1] ttp://www.denkmalprojekt.org/dkm_deutschland/buxtehude-pippensen_wk1u2_ns.htm

[InwahnertallRef1-2] C. H. Jansen: Statistisches Handbuch des Königreichs Hannover. 1824, Sied 262: http://books.google.de/books?id=tG0AAAAAcAAJ&pg=PA262

[InwahnertallRef2-3] Friedrich W. Harseim, C. Schlüter: Statistisches Handbuch für das Königreich Hannover. 1848, Sied 99: http://books.google.de/books?id=eOI-AAAAcAAJ&pg=PA99

[InwahnertallRef3-4] Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 131: https://books.google.de/books?id=qTZDAQAAMAAJ&pg=RA2-PA131

[1]

[2]

[3]

[4]