Hellbarg
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29693 | |
| Vörwahl: | 05164 | |
| Geograafsche Laag: | Koordinaten:52° 47′ N, 9° 33′ O52° 47′ N, 9° 33′ O | |
|
| ||
Hellbarg (hoochdüütsch Hellberg) is en lütten Oort, de to dat Dörp Bier in de Gemeen Böhm (Samtgemeen Rethen) in’n Landkreis Heidkreis, Neddersassen, töhöört.
Geografie
ännernDe Oort liggt in de Lümbörger Heid an dat Över von de Aller. Dichtbi doot ok de Düsshoorner Beek un de Wiedenhüser Beek in de Aller münnen.
De Naveröörd sünd Hollig in’n Noorden, Benzen un Beetenbrügg in’n Noordoosten, Wiedenhusen, Riethagen un Hudemöhlen in’n Süüdoosten, Aalen in’n Süden, Eilte in’n Süüdwesten, Bier in’n Westen un Neemöhlen un Olenboitzen in’n Noordwesten.
Historie
ännernVerwaltungsgeschicht
ännernIn de Franzosentied hett de Oort binnen dat Königriek Westfalen to de Mairie Bier in’n Kanton Hudemöhlen höört.
De Oort hett vör 1885 to dat Amt Aalen tohöört. Na 1885 weer dat in’n Kreis Fambossel, de 1977 mit’n Kreis Soltau to’n Landkreis Soltau-Fambossel tohoopgahn is. 2011 hett düsse Landkreis den ne’en Naam Landkreis Heidkreis kregen.
De Oort hett von öllers bi de Gemeen Bier mit bihöört, de an’n 1. März 1974 mit de Gemeenreform in Neddersassen Deel von de Gemeen Böhm worrn is.
Inwahnertall
ännern| Johr | Inwahners |
|---|---|
| 1791[1] | 2 Füürsteden |
| 1824[2] | 2 Füürsteden |
| 1848[3] | 2 Hööv |
| 1. Dezember 1871[4] | 21 Lüüd, 2 Hüüs |
| 1. Dezember 1885[5] | 32 Lüüd, 4 Hüüs |
| 1. Dezember 1905[6] | 20 Lüüd, 2 Hüüs |
Religion
ännernHellbarg is evangeelsch-luthersch präägt un höört to dat Kaspel von de Kark Aalen. Binnen düt Kaspel billt Bier mit de Vitus-Kapell en egen Kapellengemeen, to de Hellbarg mit bihöört.
För de Kathoolschen is de Karkengemeen St. Maria von’n hilligen Rosenkranz in Wasra tostännig.
Weertschop un Infrastruktur
ännernFör Hellbarg is de freewillige Füürwehr Bier mit tostännig.
Verkehr
ännernHellbarg liggt an en lüttje Siedenstraat von de Landsstraat 159, de in’n Oosten in de L 190 münnt un in’n Noordwesten över Bier un Böhm na Olenwahlje an de Bundsstraat 209 löppt. De L 190 föhrt in’n Noorden na Wasra un in’n Süden na Hudemöhlen.
De nächste Autobahn is de Autobahn 27 (Afsnidd Bremen–Wasra). De Opfohrt 28 Wasra-Süüd liggt so negen Kilometer in’n Noordoosten von Hellbarg an de L 190.
De nächste Bahnhoff is so bi veer Kilometer wied weg in’n Süüdoosten de Bahnhoff Hodenhagen an de Heidbahn.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 102
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 264
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 86
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 95
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 46
