Neemöhlen (Landkreis Heidkreis)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 29693 | |
| Vörwahl: | 05164 | |
| Geograafsche Laag: | Koordinaten:52° 48′ N, 9° 31′ O52° 48′ N, 9° 31′ O | |
|
| ||
Neemöhlen (hoochdüütsch Neumühlen) is en lütten Oort, de to dat Dörp Bier in de Gemeen Böhm (Samtgemeen Rethen) in’n Landkreis Heidkreis, Neddersassen, töhöört.
Geografie
ännernDe Oort liggt in de Lümbörger Heid an de Böhm.
De Naveröörd sünd Olenboitzen in’n Noorden, Hollig in’n Noordoosten, Hellbarg in’n Süüdoosten, Bier in’n Süden, Böhm in’n Süüdwesten un Lüttjen Eisderp in’n Noordwesten.
Historie
ännernDe Watermöhl von Neemöhlen is in dat 15. Johrhunnert an de Böhm anleggt worrn un hett dat Klooster Wasra tohöört. Nadem de Watermöhl nich mehr lopen is, is se 1978 as Waterkraftwark ümboot worrn. 2010 hett de Möhl en neet Waterrad mit en Leistung von 32 kW kregen.
Verwaltungsgeschicht
ännernIn de Franzosentied hett de Oort binnen dat Königriek Westfalen to de Mairie Bier in’n Kanton Hudemöhlen höört.
De Oort hett vör 1885 to dat Amt Aalen tohöört. Na 1885 weer dat in’n Kreis Fambossel, de 1977 mit’n Kreis Soltau to’n Landkreis Soltau-Fambossel tohoopgahn is. 2011 hett düsse Landkreis den ne’en Naam Landkreis Heidkreis kregen.
De Oort hett von öllers bi de Gemeen Bier mit bihöört, de an’n 1. März 1974 mit de Gemeenreform in Neddersassen Deel von de Gemeen Böhm worrn is.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1824[2] | 2 Füürsteden |
| 1. Dezember 1871[3] | 15 Lüüd, 2 Hüüs |
| 1. Dezember 1885[4] | 13 Lüüd, 2 Hüüs |
| 1. Dezember 1905[5] | 12 Lüüd, 2 Hüüs |
Religion
ännernNeemöhlen is evangeelsch-luthersch präägt un höört to dat Kaspel von de Kark Aalen. Binnen düt Kaspel billt Bier mit de Vitus-Kapell en egen Kapellengemeen, to de Neemöhlen mit bihöört.
För de Kathoolschen is de Karkengemeen St. Maria von’n hilligen Rosenkranz in Wasra tostännig.
Weertschop un Infrastruktur
ännernFör Neemöhlen is de freewillige Füürwehr Bier mit tostännig.
Verkehr
ännernVon Neemöhlen löppt en lüttje Straat in’n Noorden na Olenboitzen an de Kreisstraat 118, de in’n Noordoosten över Hollig un Benzen na de Landsstraat 190 geiht un in’n Süüdwesten bi Lüttjen Eisderp in de K 114 münnt. De K 114 föhrt in’n Noorden na Kerkboitzen an de Bundsstraat 209 un in’n Süden na Böhm an de L 159.
De nächste Autobahn is de Autobahn 27 (Afsnidd Bremen–Wasra). De Opfohrt 27 Wasra-West liggt so acht Kilometer in’n Noordoosten von Neemöhlen an de B 209.
De nächste Bahnhoff is so bi negen Kilometer wied weg in’n Süüdoosten de Bahnhoff Hodenhagen an de Heidbahn.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 163
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 438
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 94
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 95
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 46