Henry Fairweather
Henry Clifton Fairweather (* 27. Juni 1906; † 7. Oktober 2002 in Belize-Stadt) weer en Stadtplaner un Politiker (NIP, UDP) ut Brietsch-Honduras/Belize.
Leven
ännernFairweather is 1906 boren.[1] As jungen Mann weer he ünner annern 1928 bi de eerste Utgaav von dat Cross Country Cycling Classic mit aktiv. He hett Landvermeter un Stadtplaner lehrt un hett 1932 to dat Team höört, dat de Grenz twüschen Belize un Guatemala vermeten hett.[1]
He hett ünner annern 1955 Corozal wedder nee mit opboot, nadem de Stadt dör Hurrikan Janet starke Schadens nahmen hett.[1] Ok bi dat Planen un Anleggen von de ne’e Hööftstadt Belmopan weer he mit aktiv.[1]
Fairweather weer Mitgrünner von de Belize Audubon Society.[1] In siene letzten Johren siet 1982 weer he vör allen dor mit aktiv, in Belize junge Bööm to planten, vör allen Mahagoni-Bööm.[2] He hett över 100.000 Bööm plant.[1]
Fairweather is 2002 in dat Karl Heusner Memorial Hospital in Belize-Stadt doodbleven.[2][1]
Politik
ännernFairweather weer Maat von de National Independence Party (NIP).
Bi de Parlamentswahl in Brietsch-Honduras 1969 weer he Kannedaat för de NIP in’n Wahlkreis Freetown un hett de Wahl mit 41,4 % von de Stimmen gegen George Cadle Price von de PUP verloren.
1973 is de NIP mit annere Gruppen tohoopgahn un hett de United Democratic Party (UDP) billt.
Bi de Wahl 1974 weer Fairweather in’n sülven Wahlkreis för de UDP Kannedaat un hett mit 38,7 % von de Stimmen wedder gegen Price verloren. He kunn dormit nich in dat Repräsentantenhuus intehn.