Karl Heusner Memorial Hospital
Dat Karl Heusner Memorial Hospital (KHMH) is en Krankenhuus in Belize-Stadt. Dat is dat wichtigste un gröttste Krankenhuus in de Stadt, in’n Distrikt Belize un in dat ganze Land Belize. Dat liggt an’n Princess Margaret Drive, nich wied af von’n Philip Goldson Highway.
Dat Krankenhuus hett 134 Bedden, dree OP-Saals un twee Kraamkamern.[1]
Dat Krankenhuus warrt von’n Staat bedreven un steiht ünner Opsicht von dat Ministerium för Gesundheit.
Historie
ännernDat Krankenhuus geiht trügg op dat ole Krankenhuus von Belize, dat 1820 grünnt worrn is (Old Belize City Hospital).[2] Düt Krankenhuus weer toeerst vör allen för kranke Seelüüd dor, is aver 1871 to en allgemeen Krankenhuus ümwannelt worrn.[2]
An’n 18. September 1995 is en Neebo an de hüdige Steed inwieht worrn, de denn op’n Naam Karl Heusner Memorial Hospital döfft worrn is. De Naam ehr den Dokter Karl Heusner, de in Belize arbeidt hett. De Bo hett üm un bi 45 Milljonen Belize-Dollar köst.
Dör Gesett von 2000 is dat Karl Heusner Memorial Hospital as Referenzkrankenhuus (engelsch referral hospital) för Belize fastleggt worrn. Dat heet, dat de lokalen Krankenhüüs besünners swore Fäll an dat KHMH överwiest. Dat is ok dat eenzige Krankenhuus in Belize, dat tertiäre Versorgung anbüddt.
De nächste Ebene ünner dat KHMH sünd de Regionaalkrankenhüüs (Southern Regional Hospital in Dangriga, Northern Regional Hospital in Orange Walk un Western Regional Hospital in Belmopan).[1]
Dokters
ännernVon 1949 af an weer Antoni Gościński Dokter in dat Krankenhuus.
Footnoten
ännernWeblenken
ännern- Websteed von dat Krankenhuus (engelsch)
Koordinaten:17° 30′ N, 88° 12′ W