Gemeen Helmworth

Helmworth (hoochdüütsch Ihlienworth) is en Gemeen in de Samtgemeen Land Hadeln in’n Landkreis Cuxhoben in Neddersassen. De Gemeen hett 1503 Inwahners (Stand 31. Dezember 2023).

Wapen/Flagg

Koort

Basisdaten

Bundsland: Neddersassen

Landkreis: Cuxhoben

Samtgemeen: Land Hadeln

Flach:

40,29 km²

Inwahners:

1503 (31. Dezember 2023)

1 m över de See

21775

04755

Koordinaten:53° 44′ N, 8° 55′ O53° 44′ N, 8° 55′ O

Grenzen bi OSM:

1520088

Gemeenslötel:

03 3 52 025

Öörd in de Gemeen:

5

Börgermeester:

Horst-Christian Deck(CDU)

Websteed:

www.ihlienworth.de

Koort

Kreis

Geografie

Blangen dat Wortendörp Helmworth sülvs, dat den Oortskarn billt, höört ok de Wester-Helmworther Oortsdelen Mehmstood,Hasendörp, Middeldeel un Westerenn un de Ooster-Helmworther Oortsdelen Mislag, Siedendeel un Stroodiek to de Gemeen.

De Navergemenen sünd Neenkarken in’n Noorden, Oosterbrook in’n Noordoosten, Bülkau in’n Oosten, Godshem in’n Süüdoosten, Steenau in’n Süden, Wannen in’n Westen un Lee in’n Noordwesten.

Historie

De hüdige Gemeen hett sik an’n 1. Oktober 1937 billt, as de beiden vörher egenstännigen Gemenen Ooster-Helmworth un Wester-Helmworth to een Gemeen tohoopslaten worrn sünd.

1970 is Helmworth Deel von de Samtgemeen Sietland worrn, de dat Raadhuus in Helmworth stahn hett. An’n 1. Januar 2011 hebbt sik de Samtgemenen Sietland un Hadeln to de ne’e Samtgemeen Land Hadeln tohoopslaten. An’n 1. November 2016 hett sik de Samtgemeen mit de Samtgemeen An’n Dobrook tohoopslaten un is nu noch grötter. Dat Raadhuus steiht in Oterndörp.

Inwahnertall

Johr	Inwahners
1987-12-3131. Dezember 1987	1.885
1992-12-3131. Dezember 1992	1.892
1997-12-3131. Dezember 1997	1.875
2002-12-3131. Dezember 2002	1.763
2007-12-3131. Dezember 2007	1.705
2011-12-3131. Dezember 2011	1.643

Religion

Helmworth is evangeelsch-luthersch präägt un billt mit de Wilhadi-Kark en egen Kaspel.

För de Kathoolschen is de Hillig-Krüüz-Kark in Oterndörp tostännig.

Politik

Gemeenraat

Gemeenraad
Johr \ Partei	Tall	CDU	SPD
2006	11	6	5
2011	11	6	5
2016	11	7	4

Liddmaten

2006:
CDU: Horst-Christian Deck, H. Blohm, Christian Roth, Udo Stamm, Ralf Wieboldt, M. Wisch

SPD: K. Esselborn, Hermann Mahler, Rainer Otremba, P. Rüsch, Jürgen Schwanemann, R. Ayecke/Stephan Wierk (utloost twüschen de beiden)
2011:
CDU: Horst-Christian Deck, Christian Roth, Manfred Schult, Udo Stamm, Julian Uelzen, Ralf Wieboldt

SPD: Hermann Mahler, Rainer Otremba, Jürgen Schwanemann, Thorsten Unruh, Stephan Wierk
2016:
CDU: Horst Christian Deck, Heike Lunden, Christian Roth, Michael Saborowski, Manfred Schult, Julian Uelzen, Michael Wisch

SPD: Hermann Mahler, Maik Meske, Gerhard Rieper, Thorsten Unruh

Börgermeesters

Tied	Börgermeester	Partei
1. November 1996-31. Oktober 2006	Hans-Dieter Hoffmeister	CDU
2006-2011	Hannelore Blohm	CDU
2011-	Horst-Christian Deck	CDU

Wapen

Dat Wapen vun de Gemeen wiest op sülvern Grund över en grönen Dreebarg in’n Schildfoot en rood Krüüz ut dree Balkens.

Dat rode Krüüz is de Hagal-Ruun un de Dreebarg schall en Wort dorstellen. De Hagal-Ruun warrt ok as Heilsruun ansehn un schall för dat Woord hillig stahn. De Ruun un de Wort staht dormit as Sinnbild för den Naam von’n Oort, de na een Theorie (gifft aver ok annere Ansätz, den Naam to düden) hillige Wort bedüden schall.

Utklamüsert hett dat Wapen de Heraldiker Albert de Badrihaye. Dat Wapen is 1939 genehmigt worrn.

Weblenken

Helmworth. Mehr Biller, Videos oder Audiodateien to’t Thema gifft dat bi Wikimedia Commons.

Websteed vun de Gemeen (hoochdüütsch)

Städer un Gemenen in den Landkreis Cuxhoben