Hogendannen
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21614 | |
| Vörwahl: | 04161 | |
| Geograafsche Laag: | Koordinaten:53° 29′ N, 9° 45′ O53° 29′ N, 9° 45′ O | |
|
| ||
Hogendannen (hoochdüütsch Hohentannen) is en lütten Oort in de Gemeen Buxthu in’n Landkreis Stood, Neddersassen. De Oort höört polietsch al von öllers bi Buxthu mit bi.
Geografie
ännernHogendannen liggt an’n Rand von de Masch von de Elv na de Randmooren un dormit ok an de Grenz von Oolland. De Hoff liggt in dat Naturschuulrebeed Moor bi Buxthu.
De Naveröörd sünd Weid, Finkenriek un Rübk in’n Noordoosten, Öbergünnermoor in’n Oosten, Öbergünn un Imbeek in’n Süden, Oostmoor un Buxthu in’n Süüdwesten un Neeland un Moorenn in’n Noordwesten.
Historie
ännernIn Hogendannen hett dat fröher en Weertshuus geven. Vondaag warrt op’n Hoff blots noch Bueree dreven.
Verwaltungsgeschicht
ännernDe Oort hett vör 1885 to de Stadt Buxthu tohöört, de to keen Amt höört hett. Na 1885 weer dat in’n Kreis Jörk un is 1932 Deel von’n Kreis Stood worrn.
De Oort is an’n 1. Juli 1972 as Deel von de Stadt Buxthu mit de Gemeenreform in Neddersassen an de nu gröttere Gemeen Buxthu kamen.
Inwahnertall
ännern| Johr | Inwahners |
|---|---|
| 1791[1] | 1 Füürsteed |
| 1824[2] | 2 Füürsteden |
| 1848[3] | 10 Lüüd, 2 Hüüs |
| 1. Dezember 1871[4] | 14 Lüüd, 1 Huus |
| 1. Dezember 1885[5] | 11 Lüüd, 1 Huus |
| 1. Dezember 1905[6] | 7 Lüüd, 1 Huus |
Religion
ännernHogendannen is evangeelsch-luthersch präägt un höört to dat Kaspel von de Petrus-Kark in Buxthu. Bet in de Tied üm 1800 rüm hett de Oort aver noch to dat Kaspel von de Nicolai-Kark in Ilsdörp tohöört.
För de Kathoolschen is de St.-Maria-Kark in Buxthu tostännig.
Weertschop un Infrastruktur
ännernFör Hogendannen is de freewillige Füürwehr Buxthu mit tostännig.
Verkehr
ännernAn Hogendannen langs löppt de Kreisstraat 40, de in’n Noordoosten in’n Landkreis Horborg in de K 19 övergeiht un in Nincoperdiek an de Landsstraat 235 ran löppt, In’n Süüdwesten geiht de K 40 na Buxthu un an de Bundsstraat 73.
De nächste Autobahn is de Autobahn 26 (Afsnidd Stood–Hamborg). De Opfohrt 6 Jörk liggt so acht Kilometer in’n Noordwesten von Hogendannen an de K 26. In Tokumst warrt de A 26 aver noch wieder boot un denn schall dat twee Kilometer in’n Westen de Opfohrt 7 Buxthu an de K 40 geven.
De nächste Bahnhoff is so bi fiev Kilometer wied weg in’n Süüdwesten de Bahnhoff Buxthu an de Nedderelvbahn.
Scholen
ännernDe Kinner ut Hogendannen gaht na de Grundschool Horbörger Straat in Buxthu. Fröher sünd se op de lütte Volksschool in Oostmoor gahn.
Footnoten
ännern- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 109
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 286
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 147
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 139
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 148
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 92
