Holm-Seppens
Holm-Seppens (hoochdüütsch Holm-Seppensen) is en polietsche Oortschop in de Gemeen Bookholt, Landkreis Horborg, Neddersassen.
Geografie ännern
De Oort liggt in’n Noorden von de Lümbörger Heid un an’n Oostrand von de Lohbargen. Dat Water ut dat Rebeed flütt över’n Seppenser Beek na de Seev hen af. In’n Noordwesten is dat Naturschuulrebeed Bruunsbarg.
De Naveröörd sünd Suurhoop, Bookholt un Seppens in’n Noorden, Reindörp un Oosterbarg in’n Noordoosten, Wiedenhoff, Lüll un Weih in’n Oosten, Thälsdörp un Schierhoorn in’n Süüdoosten, Holm un Wörm in’n Süden, Hökel in’n Süüdwesten, Langeloh, Neddernhoff un Lohbargen in’n Westen un Sprötz in’n Noordwesten.
Historie ännern
As 1901 de Heidbahn anleggt worrn is, schullen de beiden Öörd Seppens un Holm blots een Bahnhoff kriegen un nich jeder een. Dorüm is de Bahnhoff Holm-Seppens op halven Weg twüschen de beiden Öörd anleggt worrn. Rund üm’n Bahnhoff sünd denn ne’e Hüüs boot worrn, de vondaag den separaten Oortsdeel Holm-Seppens billen doot.
Mit de Gemeenreform in Neddersassen an’n 1. Juli 1972 sünd de vörher egenstännigen Gemenen Holm un Seppens mit noch en poor annere Gemenen to de Gemeen Bookholt tohoopslaten worrn. Von wegen dat de Oortsdeel rund üm’n Bahnhoff to düsse Tied al mehr Inwahners harr as de olen Öörd Holm un Seppens sünd de beiden olen Gemenen binnen de ne’e Gemeen Bookholt to een Oortschop tohoopslaten worrn. Ok op dat Rebeed von Lüll harr sik de Oort utbreedt. De Hüüs, de op Lüller Rebeed stünnen, sünd dorüm 1972 ok von Lüll an de Gemeen Bookholt wesselt. Düsse Gemeen hett en egen Oortsraad un Oortsbörgermeester.
Religion ännern
Holm-Seppens is evangeelsch-luthersch präägt un hett siet 1977 mit de Martin-Luther-Kark en egen Goddshuus. Vörher hett de Oort bet 1959 to dat Kaspel von de Martins-Kark in Jesborg tohöört un von 1959 bet 1977 to dat Kaspel von de Nikodemus-Kark in Handörp.
För de Kathoolschen is de St.-Petrus-Kark in Bookholt tostännig.
Oortsraad ännern
| Johr \ Partei | Tall | CDU | SPD | Gröne | UWG | IDA | FDP |
|---|---|---|---|---|---|---|---|
| 2006 | 11 | 4 | 2 | 2 | 2 | 1 | |
| 2011 | 11 | 3 | 3 | 3 | 2 | ||
| 2016 | 11 | 4 | 2 | 2 | 2 | 1 |
- Liddmaten
- 2016:
- CDU: Karin Gedaschko, Bettina Jägersberg, Eckart Wetzel, Marc Wölpern
- SPD: Rainer Breckman, Ulrike Vondenhoff
- Gröne: Carsten Köhn, Jörn-Ingo Wunderlich
- UWG: Dierk Hannes Henk, Hans-Heinrich Hohls
- FDP: Helena Tewes
Oortsbörgermeesters ännern
- 1. Juli 1972–1986: Richard Heuer (Wählergemeenschop/CDU)
- 1986–2001: Dieter Hoppe (SPD)
- 2001–2005: Regina Spandau-Mylius (Bündnis 90/De Grönen)
- 2005–2006: Hannelore Mottig (SPD)
- 2006–2011: Bettina Jägersberg (CDU)
- 2011–: Rainer Breckmann (SPD)
Kultur ännern
Verenen ännern
De Sportvereen Holm-Seppens hett sik 1952 grünnt (to de Tied noch as SV Holm).
Weertschop un Infrastruktur ännern
Holm-Seppens hett en egene freewillige Füürwehr, de sik Freewillige Füürwehr Holm nöömt un 1952 grünnt worrn is.
Verkehr ännern
Dör Holm-Seppens löppt de Kreisstraat 28, de in’n Süden över Holm na Inzmöhlen an de K 27 geiht un in’n Noorden na Bookholt un von dor as K 13 wieder an de Bundsstraat 75. Von de K 28 geiht na Noordwesten de K 72 af, de na Sprötz un an de B 3 föhrt. Lüttjere Straten gifft dat ans noch na Wörm un över de Seppenser Möhl na Thälsdörp.
De nächste Autobahn is de Autobahn 1 (Afsnidd Hamborg–Bremen). De Opfohrt 42 Dibbersen liggt so teihn Kilometer in’n Noorden von Holm-Seppens an de B 75.
De Oort is över’n Bahnhoff Holm-Seppens an de Heidbahn twüschen Bookholt un Hannover anbunnen.
Scholen ännern
In’n Oort liggt de Möhlenschool, wat en Grundschool is. Tosätzlich gifft dat twee Kinnergoorns.
Literatur ännern
- Gerhard Kegel: Geschichten und Bilder aus Holm, Seppensen und Holm-Seppensen, Hrsg. Geschichts- und Museumsverein Buchholz in der Nordheide und Umgebung e.V., 1994
- Victor Huvale: Die Heidesiedler von Holm-Seppensen, Hrsg. Geschichts- und Museumsverein Buchholz in der Nordheide und Umgebung e.V., 1991
- Carsten Recht: Kunst aus der Heide, Teil: Teil 3. Die Bildhauer, Graphiker und Maler der Künstlerkolonie Holm-Seppensen, 1997, ISBN 3-931122-17-4
Weblenken ännern
Koordinaten:53° 17′ N, 9° 52′ O