Horst (Gemeen Oosterholt-Scharmbeek)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 14′ N, 8° 49′ O53° 14′ N, 8° 49′ O | |
|
| ||
Horst (hoochdüütsch Horst) is en Oort in de Gemeen Oosterholt-Scharmbeek in’n Landkreis Oosterholt, Neddersassen.
Geografie
ännernDe Oort liggt op’n Rand von de Oosterholter Geest hen na dat Moor an de Hamm (Düvelsmoor), de knapp dree Kilometer in’n Süüdoosten langsflütt. Dat Water ut dat Rebeed flütt över Gravens na’n Fangstaken un denn in de Hamm.
De Naveröörd sünd Pennigbüttel in’n Noorden, Neendamm in’n Oosten, Ahrensfellerdamm in’n Süüdoosten, Ahrensfeld un Muskau in’n Süden, Scharmbeek in’n Süüdwesten, Sandbekerbrook mit dat Good Sandbeek in’n Westen un Westerbeek un Wist in’n Noordwesten.
Historie
ännernVerwaltungsgeschicht
ännernDe Oort hett vör 1885 to de Huusvaagdie Oosterholt von dat Amt Oosterholt tohöört. Na 1885 weer dat in’n Kreis Oosterholt, de 1932 mit’n Kreis Blomendal to’n ne’en un grötteren Kreis Oosterholt tohoopgahn is.
De Oort höört von öllers bi de Buurschop Ahrensfeld mit bi, de al siet dat 19. Johrhunnert to de Gemeen Oosterholt höört. Oosterholt hett mit Scharmbeek un dree annere Gemenen 1927 de ne’e Gemeen Oosterholt-Scharmbeek billt, de mit de Gemeenreform in Neddersassen an’n 1. März 1974 noch grötter worrn is.
Inwahnertall
ännern| Johr | Inwahners |
|---|---|
| 1. Dezember 1871[1] | 47 Lüüd, 9 Hüüs |
| 1. Dezember 1885[2] | 29 Lüüd, 6 Hüüs |
| 1. Dezember 1905[3] | 71 Lüüd, 12 Hüüs |
Religion
ännernHorst is evangeelsch-luthersch präägt un höört to dat Kaspel von de Marien-Kark in Oosterholt.
För de Kathoolschen is de Hillige-Familie-Kark in Oosterholt tostännig.
Weertschop un Infrastruktur
ännernFör Horst is de freewillige Füürwehr Oosterholt-Scharmbeek mit tostännig.
Verkehr
ännernDör Horst löppt de Kreisstraat 5, de in’n Süden na Oosterholt geiht un in’n Noorden na Pennigbüttel an de Landsstraat 153. De L 153 föhrt in’n Oosten na Huttenbusch un von dor na Worpsweed. In’n Westen münnt de L 153 direkt in de Bundsstraat 74, de in’n Noordoosten an Hambargen un Gnarrenborg langs na Bremervöör geiht un in’n Süüdwesten över Hu’e na Bremen-Noord.
De Opfohrt 16 Bremen-Noord op de Autobahn 27 (Afsnidd Bremen–Bremerhoben) un de A 270 liggt so 14 Kilometer in’n Süüdwesten von Horst an de B 74.
De nächste Bahnhoff is so bi dree Kilometer wied weg in’n Süüdwesten de Bahnhoff Oosterholt-Scharmbeek an de Bahnlien Bremen–Bremerhoben. Von 1911 bet 1978 hett dat ok Personenverkehr op de Bahnlien Stood–Oosterholt-Scharmbeek geven. De nächste Bahnhoff leeg in düsse Tied en knappen Kilometer in’n Süden in Ahrensfeld.
Footnoten
ännern- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 156
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 165
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 141
