Pennigbüttel
| Wapen/Flagg | Koort | |
|---|---|---|
|
|
| |
| Basisdaten | ||
| Inwahners: | ||
| Postleettall: | 27711 | |
| Vörwahl: | 04791 | |
| Geograafsche Laag: | Koordinaten:53° 15′ N, 8° 49′ O53° 15′ N, 8° 49′ O | |
|
| ||
Pennigbüttel (hoochdüütsch Pennigbüttel) is en Dörp un Oortschop in de Gemeen Oosterholt-Scharmbeek in’n Landkreis Oosterholt, Neddersassen.
Geografie ännern
In’n Oosten von’n Oort liggt dat Naturschuulrebeed Pennigbütteler Moor un in’n Noordoosten dat Wulfsborger Moor. An’n Noordrand von Pennigbüttel flütt de Möhlenbeek langs, de in de Hamm münnt.
De Naveröörd sünd Sandhusen in’n Noorden, Neddersandhusen, Olendamm, Wulfsborg un Düvelsmoor in’n Noordoosten, Olenbrügg un Neenfeld in’n Oosten, Worpsweed, Weyermoor un Waakhusen in’n Süüdoosten, Oosterholt in’n Süden, Scharmbeek in’n Süüdwesten, Westerbeek un Wist in’n Westen un Freißenbüttel in’n Noordwesten.
Historie ännern
De Oort kummt 1219 as Benyngbutle toeerst in de Oorkunnen vör.
Von 1994 bet 2001 weer in Pennigbüttel de eerste düütsche Gemeenschop von de fundamental-christlichen Twölv Stämm.
Verwaltungsgeschicht ännern
In de Franzosentied von 1810 bet 1814 hett de Oort to de Mairie Oosterholt in’n Kanton Oosterholt höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Vaagdie Scharmbeek von dat Amt Oosterholt tohöört. Na 1885 weer dat in’n Kreis Oosterholt. 1932 is dat Deel von’n ne’en, gröttern Kreis Oosterholt worrn.
Pennigbüttel weer fröher en egen Gemeen. To Anfang von dat 20. Johrhunnert is ok de vörher egenstänige Gemeen Olendamm (mit Wulfsborg) Deel von de Gemeen Pennigbüttel worrn. Pennigbüttel is an’n 1. März 1974 Deel von de Gemeen Oosterholt-Scharmbeek worrn un billt sietdem en Oortschop mit egen Oortsvörsteiher binnen de Gemeen.[1]
Inwahnertall ännern
| Johr | Inwahners |
|---|---|
| 1812[2] | 186 |
| 1824[3] | 27 Füürsteden |
| 1848[4] | 273 Lüüd, 41 Hüüs |
| 1. Dezember 1910[5] | 408 |
| 1925[6] | 493 |
| 1933[6] | 778 |
| 1939[6] | 750 |
Religion ännern
Pennigbüttel is evangeelsch-luthersch präägt un billt mit de Emmaus-Kark siet 1. Oktober 1992 en egen Kaspel. Vörher hett de Oort to dat Kaspel von de Willehadi-Kark in Scharmbeek höört.
För de Kathoolschen is de Hillige-Familie-Kark in Oosterholt-Scharmbeek tostännig.
De Doden warrt op’n Karkhoff Pennigbüttel bi de Emmaus-Kark begraven.
Wapen ännern
Dat Wapen von Pennigbüttel is dwars deelt un wiest op baven vörn op swarten Grund dree gollen Punkte un ünnen achtern op sülvern Grund en swarten Geldbüdel mit en gollen Band.
Dat is en sprechendes Wapen (Penn + Büdel).
Oortsvörstehers ännern
- opstunns: Sabine Marquardt
Kultur ännern
Verenen ännern
Pennigbüttel hett en egene freewillige Füürwehr, de an’n 30. Januar 1925 grünnt worrn is. Vörher harr dat al siet 1900 en Plichtfüürwehr geven. De Oortswehr Pennigbüttel is en Stüttpunktfüürwehr.
De Sportvereen SV Komet Pennigbüttel is 1921 grünnt worrn.
Weertschop un Infrastruktur ännern
De Volksbank Oosterholt-Scharmbeek hett in Pennigbüttel in de Straat Ünner de Linnen 1 en Filiaal.
Verkehr ännern
An Pennigbüttel langs löppt de Bundsstraat 74, de in’n Noordoosten över Sandhusen, Wallhöben, Kuhs un Basdaal na Bremervöör geiht un in’n Süüdwesten över Oosterholt-Scharmbeek un Hu’e na Bremen-Noord. Na Oosten geiht de Landsstraat 153 af, de na Düvelsmoor un Nee Sankt Jürgen geiht. De Kreisstraat 5 in’n Süden geiht na Oosterholt.
De nächste Autobahn is de Autobahn 27. De Opfohrt 14 Swonewebel liggt so twölv Kilometer in’n Westen von Pennigbüttel.
De nächste Bahnhoff is so bi veer Kilometer wied weg in’n Süüdwesten in Oosterholt-Scharmbeek an de Bahnlien Bremen–Bremerhoben.
Footnoten ännern
- ↑ Hauptsatzung von de Stadt Oosterholt-Scharmbeek, § 8
- ↑ Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 105: http://books.google.de/books?id=Q 5OAAAAcAAJ&pg=PA105
- ↑ C. H. Jansen: Statistisches Handbuch des Königreichs Hannover. 1824, Sied 482: http://books.google.de/books?id=tG0AAAAAcAAJ&pg=PA482
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 138: http://books.google.de/books?id=eOI-AAAAcAAJ&pg=PA138
- ↑ http://www.gemeindeverzeichnis.de/gem1900/gem1900.htm?hannover/osterholz.htm
- ↑ a b c http://www.verwaltungsgeschichte.de/osterholz.html
Weblenken ännern
- private Websteed över dat Dörp (hoochdüütsch)
Düvelsmoor | Freißenbüttel | Garlst | Heilshorn | Hülsbarg | Ohlenst | Oosterholt-Scharmbeek | Pennigbüttel | Sandhusen | Scharmbeekstotel