Ilka Brüggemann
Ilka Brüggemann (* 1968 in Lümborg) is en düütsche Journalistin, Radiomoderatorin un plattdüütsche Schrieversche.
Leven ännern
Brüggemann is in Amelkusen in de Lümbörger Heid mit Hoochdüütsch un Plattdüütsch opwussen. Na’t Abitur hett se an de Universitäten Hannover un Marburg Anglistik un Politologie studeert.
Na eerste journalistische Erfohrungen füng se ehr Karjeer bi’n Radiosenner NDR 1 Neddersassen toeerst as „rasende Reporterin“ an. Later is se Redaktörin worrn un hett de Plattdüütschredakschoon övernahmen. Se modereert vondaag verscheden Magazinformate un Sendungen op Plattdüütsch, to’n Bispeel siet 2010 de Sennreeg Hör mal ’n beten to.[1]
Blangenbi hett Brüggemann in Politikwetenschoppen promoveert. Tosätzlich hett se Böker mit plattdüütsche Kortgeschichten un Glossen rutbröcht un höllt Lesungen in ganz Noorddüütschland.
Ilka Brüggemann leevt in Hannover, is verheiraadt un hett twee Kinner.
Warken ännern
- De Alldag kann mi mol! Quickborn-Verlag, Hamborg 2013, ISBN 978-3-87651-379-9
- Is dat to glöven! Quickborn-Verlag, Hamborg 2016, ISBN 978-3-87651-432-1
- Steerns an’n Heven. Wiehnachten in uns Tiet. Rutgeverin: Gesche Scheller. Schrievers: Ines Barber, Ilka Brüggemann, Yared Dibaba, Marianne Ehlers, Sandra Keck, Matthias Stührwoldt, Heike Thode-Scheel un Detlef Wutschik, Quickborn-Verlag, Hamborg 2016, ISBN 978-3-87651-435-2
Weblenken ännern
- Websteed von Ilka Brüggemann (plattdüütsch)
Footnoten ännern
- ↑ Kortbiografie von Ilka Brüggemann in Steerns an’n Heven, Rutgeverin: Gesche Scheller