Jessie Royce Landis

Jessie Royce Landis (* 25. November 1896 in Chicago, Illinois; † 2. Februar 1972 in Danbury, Connecticut) weer en US-amerikaansch Schauspelerin.

Jessie Royce Landis 1954

Leven

Jessie Royce Landis fung hör Schauspeelloopbahn an Theaternvun hör Heimatstadt Chicagoan. Mit 30 Johren geev se hör Debüt an‘n Broadway in New York City in dat Stück The Honor of the Family. All in jung Johren hett se sück spoodriek up Charakterrullen spezialiseert, de faken öller as se sülvst weern, de hör aber en lang Schauspeelkarriere inbrocht hemm. 1930 speel se de Fruenhööftrull in den Toonfilm Mann über Bord neben George Bancroft, doch bleev dat för de folgen 19 Johren hör letzt Filmupträe. In de 1930er- un 1940er-Johren hett se hör Theaterloopbahn fortsett un speel in insgesamt över 30 Broadway-Produktschonen.

Eerst af 1949 stunn Jessie Royce Landis weer regelmatig vör de Kamera, wo se nu meest in moderlich, kummediantisch Nebenrullen to’n Insatz keem. Hör bekannst Rullen harr se woll ünner de Regie vun Alfred Hitchcock in Über den Dächern von Nizza (1955), hier speel se de Moder vun Grace Kelly, in Der unsichtbare Dritte (1959) speel se de Moder vun Cary Grant. In beid Filmen gung de Figur vun Landis hör Filmkinner dör hör exzentrisch un överförsörglich Verhollen up de Nerven. As Moder vun hör hitchcockschen Filmdochter Grace Kelly is se ok in dat Melodram Der Schwan uptreeden. Hör letzt Kino-Rull speel se in den Katastrophenfilm Airport, hör letzten Feernsehupträe harr Royce Landis 1971 in en Folg vun de Reeg Columbo.

1954 hett se hör Autobiografie You Won't Be So Pretty herutbrocht. 1972 is Jessie Royce Landis in dat Öller vun 75 Johren an Krebs storven.

Filmographie (Utwahl)

Johr	Titel	Synchroonsnacker
1930	Derelict dt.: Mann über Bord
1949	Mr. Belvedere Goes to College
1949	My Foolish Heart dt.: Angst vor der Schande
1955	To Catch a Thief dt.: Über den Dächern von Nizza	Friedel Schuster
1956	The Swan dt.: Der Schwand	Judith Holzmeister
1956	The Girl He Left Behind dt.: Playboy – Marsch, marsch!
1957	My Man Godfrey dt.: Mein Mann Gottfried	Friedel Schuster
1958	I Married a Woman dt.: Links und rechts vom Ehebett
1959	North by Northwest dt.: Der unsichtbare Dritte	Friedel Schuster
1959	A Private’s Affair dt.: Das gibt’s nur in Amerika	Alice Treff
1960	Goodbye Again dt.: Lieben Sie Brahms?	Tina Eilers
1962	Bon Voyage! dt.: Champagner in Paris	Gisela Trowe
1962	Critcic’s Choice dt.: Tu das nicht, Angelika
1962	Boy’s Night Out dt.: Sexy! - Männer gehören an die Leine	Friedel Schuster
1963	Gidget goes to Rome dt.: April entdeckt Rom
1970	Airport	Tina Eilers
1971	Columbo: Lady in Waiting dt.: Columbo: Schritte aus dem Schatten	Inge Birkmann

Weblenken

Jessie Royce Landis. Mehr Biller, Videos oder Audiodateien to’t Thema gifft dat bi Wikimedia Commons.

• Jessie Royce Landis in de Internet Movie Database (engelsch)
• Indrag in de düütsch Synchoondatei