Jimmy Cleveland
James Milton Cleveland (* 3. Mai 1926 in Wartrace, Tennessee, USA; † 23. August 2008 in Lynwood, Kalifornien) weer en US-amerikaansch Jazzbasuunist. Bekannt wurr he vör allen as Basuunist in de Big Band vun Lionel Hampton.
Leben
ännernJimmy Cleveland wurr 1926 in Wartrace (Tennessee) boren. Mit 16 Johr fung he an, Basuun to spelen. In sien Jöögd speel vör allen in en Band, de vun sien musikalisch Familienliddmaaten grunnd wurr, as ok in dat Orchester vun de Tennessee State University. Mit 24 Johr wurr he 1950 en ständig Liddmaat vun de Big Band vun Lionel Hampton, wo he bit 1953 mitspeelt hett. Dornah speel he as Freelance-Musiker in New York in nich to tellen Bands mit, etwa bi Gerry Mulligan, Quincy Jones, Dizzy Gillespie, Oscar Pettiford, Lucky Thompson, Miles Davis (Porgy and Bess, 1958), Gil Evans, Oliver Nelson, Bill Berry un James Moody. 1967 weer he Liddmaat in dat Oktett vun Thelonious Monk. Mit de Quincy Jones Big Band tour he 1959/60 in Europa. Dornah truck Cleveland nah Los Angeles, wo he en bannig good fraagt Studiomusiker weer. 1993 hett he sück ut dat Musikgeschäft torüchtrucken. Af un to is he aber dornah noch to sien eegen Vergnögen in Jazzclubs in Los Angeles uptreden.
Speelstil
ännernJimmy Cleveland weer bekannt för sien samtigen, luftigen Ton un sien besünners technische Brillanz. He wurr stark vun J. J. Johnson beinfloot.
Upnahmen ünner eegen Naam
ännern- Introducing Jimmy Cleveland and his All-Stars (Mercury, 1955)
- Cleveland Style (Mercury, 1957)
- A Map of Jimmy Cleveland (Mercury, 1958)
- Rhythm Crazy (Mercury, 1959)