Johann Friederich von Borries
Johann Friederich (von) Borries (* 26. Dezember 1684 in Aanbeck; † 21. März 1751 in Stood) weer en düütschen Jurist.
Borries is 1684 as Söhn von Anna Elisabeth, borene Crauel, un Theophilus Fridericus Borries († 1693) in Aanbeck boren un hett an de Universität Helmstidde Juristeree studeert.[1] He is an’n 15. Dezember 1715 Justizraad bi de Justizkanzlie Stood worrn.[1] An’n 28. Januar 1727 is he tosätzlich Kunsistorialraad von dat Kunsistorjen in Stood worrn.[1] 1733 hett Kaiser Karl VI. em in’n Adelsstand hoven.[1] Den Rang von en Gehemen Justizraad hett he an’n 15. Oktober 1736 kregen.[1] De Direkter von de Justizkanzlie Stood un dat Hoffgericht Stood, Johann Hinrich von Spilker, weer in siene letzten Johren al swack un krank un von Borries hett veel von siene Opgaven övernahmen.[1] Dorüm is he an’n 30. April 1743 Viezdirekter von de Gerichten worrn.[1] Kort na von Spilker sien Dood is Borries an’n 5. Juli 1746 Direkter von de Justizkanzlie un dat Hoffgericht worrn.[1] Ok dat Amt as Direkter von dat Kunsistorjen weer dor mit verbunnen. Dat is he bet to sien Dood 1751 bleven.[1]
Borries hett an’n 28. Juli 1711 Dorothea Sophia Charlotta Bacmeister (23. August 1695–24. Juli 1755; Dochter von Johann Christian Bacmeister) freet.[1] De beiden harrn teihn Kinner: Anna Emerentia (3. September 1712–26. März 1760), Sara Hedewig Sophie (23. März 1714–1751; hett Diederich Basilius von Stade freet), Juliana Charlotta (5. April 1715–1752), Christiana Louise (10. August 1716–15. Juli 1719), Albrecht Johann (4. August 1718–6. August 1737), Christiana Eleonora (17. Juni 1720–25. März 1723), Henriette Louise (11. September 1723–6. November 1726), Johanna Georgine (26. Mai 1726–1775), Heinrich Otto (10. November 1728–21. November 1785) un Lukas Arnold (5. Oktober 1731–1793).[1]