Association of American Universities
De Association of American Universities (AAU; „Vereenigung van de Amerikaansch Universitäten“) is en Organisatschoon van führend nordamerikaansch Forschensuniversitäten, de sück för de Förderung van de akademisch Forschung un Lehre in Nordamerika insett.
Geschichte
ännernSiet dat Grünnen van de Johns Hopkins University 1876 harrn sück de amerikaansch Universitäten nah dat düütsch Vörbild utricht un sück an dat Humboldtsches Bildungsideal van de Eenheit van Forschung un Lehre utricht. Amerikaansch Studenten sünd nah Europa reist, um hier eht Doktertitel to maken. De amerikaansch Hoochschoolafsluss weer aber nich besünners goot ansehn. Dat Problem in Amerika bestunn dorin, dat de höhgeren School- bzw. Studienafslüsse nich zentraal regelt weern. So kunn man an eenig „Scholen“ oder „Colleges“, de sück Universitäten nömmen deen, den Doktortitel erlangen. Disse Praxis weer aber nich goot för den Roop van de ansprööksvull Universitäten, so dat de dat ännern wullen.
De Präsidenten Benjamin Ide Wheeler van de University of California, Berkeley, Charles William Eliot van de Harvard University, William Rainey Harper van de University of Chicago, Seth Low van de Columbia University un Daniel Coit Gilman van de Johns Hopkins University hemm in’n Februar 1900 de 14 führenden Universitäten to en Konferenz nah Chicago inlaaden. Teel van disse Tosommenkunft, de to de Grünnen van de Association of American Universities führen dee, weer luut Inlaadensschrieven:
- en gröttere Gliekheit van de Bedingungen hertostellen, ünner de Studenten Kandidaten för den Doktergrad an de verscheeden amerikaansch Universitäten erlangen können un dordör dat Problem van de Utwannern to lösen. Gradueertenscholen führen to en Promotschoon.
- de Ansicht in Översee över den eegen Doktergrad to heven
- den Standard in de eegen swaakere Inrichtungen to heven.
Neben den 14 Grünnenliddmaaten kann en Universität blots denn Liddmaat in de AAU wurrn, wenn se wegen ehr Verdeensten van de Sellschopp dorto beropen wurrd. Bit 1909 wurrn acht wiedere Universitäten upnommen, so dat dormit jewiels de Hälft privat bzw. apenlich weer.
De Organisatschoon bild en Forum för hör Liddmaaten, um institutschonelle un natschonale Billensrichtliens to entwickeln un umtosetten, as ok Themen in den Beriek van de akademisch Forschung un Lehre to behanneln.
Liddmaaten
ännernTo den Verband tellen hüüd 59 US-amerikaansch un 2 kanaadsch Universitäten. Över de Upnahm van nee Liddmaaten wurrd ca. all dree Johr beraaden. Intreeden könnt ok blots de Universitäten, de inlaaden wurrd un minst dree Veertel van de aktuell Liddmaaten moot de Upnahm van en nee Universität tostimmen. Somit wurrn blots Universitäten mit herutragen Leistungen in Forschung un Lehre upnommen.
Liddmaaten un dat Johr van hör Upnahm:
Staatlich Universitäten (38)
ännernPrivate Universitäten (31)
ännern
|
|
Kanadische Universitäten (2)
ännern
|
|
Ehmalige Liddmaaten
ännern- Katholische Universität von Amerika (1900–2002)
- Clark University (1900–1999)
- Iowa State University (1958–2022)
- University of Nebraska-Lincoln (1909–2011)
- Syracuse University (1966–2011)
Weblinks
ännern- Association of American Universities (engelsch)