Kanton Nee-Syke

De Kanton Nee-Syke weer as Kanton en Verwaltungsrebeed in de Franzosentied (1810-1811). De Seet weer Nee-Syke.

Historie

Dat Rebeed weer vörher Deel von de Graafschop Heien (Kurförstendom Hannover) un hett dor to dat Amt Syke höört.

An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.

Binnen Westfalen weer de Kanton Nee-Syke een von de ölven Kantons in’n Distrikt Veern von dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Nee-Syke is opdeelt worrn op de Mairien Syke un Rier in’n Kanton Syke, Distrikt Bremen von dat Departement von de Wersermünnen.

1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor.

Kantons

De Kanton weer indeelt in acht Mairien:

• Mairie Nee-Syke: Nee-Syke, Snepke
• Mairie Okel: Okel
• Mairie Osterholt: Osterholt, Göstörp
• Mairie Karkweyh: Karkweyh
• Mairie Sudweyh: Sudweyh
• Mairie Drey: Drey, Ausen, Hostäe
• Mairie Rier: Rier, Ketsche
• Mairie Fell: Fell, Schlieme, Imhorst, Hilmbrook

Footnoten

Kantons in’n Distrikt Veern (Königriek Westfalen, 1810–1811)

Achem | Hudemöhlen | Mattfeld | Nee-Syke | Oold-Syke | Rethen | Rodenborg | Thänhusen | Veern | Wasra | Wessen