Karkenkreis Hamborg-Oost
De evangeelsch-luthersche Karkenkreis Hamborg-Oost is en Karkenkreis in Hamborg. He höört bi’t Sprengel Hamborg un Lübeek von de Noordkark. To’n Karkenkreis Hamborg-Oost höört üm un bi 475.000 Liddmaten (bi en Inwahnertall von 1.527.000) in 116 Karkengemenen mit 160 Karken un 300 Pastoorn. Dor höört 3200 Mitarbeiders un 120 Kitas to. De Karkenkreis hett sien Seet in de Danziger Straat 15-17 in Hamborg-St. Georg.
Historie ännern
De Karkenkreis Hamborg-Oost is an’n 1. Mai 2009 billt worrn, as sik de Karkenkreise Oold-Hamborg, Horborg un Stormarn tohoopslaten hebbt.
Geografie ännern
De Karkenkreis Hamborg-Oost liggt in’n Oosten un Süden von Hamborg. Blots de Erlöserkark in Vohrndörp liggt in Neddersassen. Von de Hambörger Öörd höört Cranz nich bi’n Karkenkreis Hamborg-Oost, man to de Gemeen von de St.-Martini-Kark in Eestbrügg (in’n Karkenkreis Stood).
De Karkenkreis Hamborg-Oost grenzt in’n Noordwesten an’n Karkenkreis Ooldholsteen, in’n Noorden an’n Karkenkreis Plön-Sebarg (de beiden in’n Sprengel Sleswig un Holsteen), in’n Oosten an’n Karkenkreis Lübeek-Loonborg, in’n Süden an’n Karkenkreis Winsen un an’n Karkenkreis Hittfeld (de beiden in’n Sprengel Lümborg von de Evangeelsch-luthersche Landskark Hannover), in’n Westen op en kort Enn an’n Karkenkreis Stood (in’n Sprengel Stood von de Evangeelsch-luthersche Landskark Hannover) un an’n Karkenkreis Hamborg-West/Süüdholsteen.
Bezirke in’n Karkenkreis Hamborg-Oost ännern
De Karkenkreis is indeelt in söven Bezirke:
Präses ännern
- 2009-: Wilfried Hartmann
Weblenken ännern
- Websteed von’n Karkenkreis (hoochdüütsch)