Karkenkreis Stood

De evangeelsch-luthersche Karkenkreis Stood is en Karkenkreis in Neddersassen. He höört bi’t Sprengel Stood von de Evangeelsch-luthersche Landskark Hannover. To’n Karkenkreis Stood höört üm un bi 68.000 Liddmaten (Stand 14. Oktober 2005) in 21 Kaspels. Supperndent is siet 2008 Thomas Kück. He hett sien Seet in de Ridderstraat in Stood.

Geografie

De Karkenkreis Stood liggt in’n Noordoosten von Neddersassen. Dat Rebeed is de Landkreis Stood ahn den Karkenkreis Buxthu.

De Karkenkreis Stood grenzt in’n Noordwesten an’n Karkenkreis Hadeln, in’n Süüdwesten an’n Karkenkreis Bremervöör-Zeven, in’n Süden an’n Karkenkreis Buxthu un op en lütt Enn in’n Süüdoosten an’n Karkenkreis Hittfeld in’t Sprengel Lümborg. In’n Oosten stött de Karkenkreis an’n Karkenkreis Hamborg-Oost in’t Sprengel Hamborg un Lübeck von de Noordelvsche Evangeelsch-Luthersche Kark. Güntsiet de Elv liggt de Karkenkreis Hamborg-West/Süüdholsteen (in’t Sprengel Hamborg un Lübeck), Karkenkreis Rantzau-Münsterdörp un de Karkenkreis Dithmarschen (de twee in’t Sprengel Sleswig un Holsteen).

Geschicht

De Karkenkreis is an’n 1. Januar 1976 ut den Karkenkreis Stood-Oolland un den Karkenkreis Keden tohoopleggt worrn.

Karkengemenen in’n Karkenkreis Stood

• Kark in Aßel
• Marienkark in Balje
• Nicolai-Kark in Bossel
• Nicolai-Kark in Bützfleet
• Johannis- un Katharinen-Kark in Drochters
• St.-Martini-Kark in Eestbrügg
• Wulphardi-Kark in Freeborg
• Dionysius-Kark in Hamelwöörden
• Marienkark in Himmelpoorten
• Marienkark un Mauritiuskark in Hollern-Twielenfleth
• Petrus-Kark in Host
• Matthias-Kark in Jörk
• Kark op Kruutsand
• Nicolai-Kark in Krummendiek
• Lühkarken
• Johannis-Kark in Öderquart
• Martinskark in Olendörp
• Cosmae-Kark in Stood
• Johannis-Kark in Stood
• Markus-Kark in Stood
• Wilhadi-Kark in Stood

Weblenken

• Websteed von’n Karkenkreis (hoochdüütsch)

Karkenkreise von’n Sprengel Stood

Bremerhoben | Bremervöör-Zeven | Buxthu | Cuxhoben | Hadeln | Oosterholt | Rodenborg | Stood | Veern | Wersermünn