Cranz

Dit Woort hett noch annere Bedüden: kiek dorför ünner Cranz (Mehrdüdig Begreep).

Cranz is en Deel von de Stadt Hamborg (Bezirk Horborg).

Wapen/Flagg

Koort

Basisdaten

Bundsland: Hamborg

Flach:

1,3 km²

Inwahners:

825 (2010-12-3131. Dezember 2010)

Inwahnerdicht:

634,6 Inwahners pro km²

Postleettall:

21129

Vörwahl:

040

Geograafsche Laag:

Koordinaten:53° 32′ N, 9° 47′ O53° 32′ N, 9° 47′ O

Grenzen bi OSM:

78714

Geografie ännern

Cranz liggt in’n Oosten von Oolland (drüdde Miel) in de Masch un liggt op dat linke Över an de Münn von de Eest un an’n Ingang na de ole Süderelv.

In’n Noorden op dat annere Över von de Elv liggt Blanknees, in’n Oosten Finkwarder, in’n Süüdoosten Nincop, in’n Süden Rübk, in’n Süüdwesten Moorenn, Hoov un Königriek un in’n Westen Leeswig, Achterbraak un Kohlenhusen.

Historie ännern

Von 1885 bet 1932 hett Cranz to’n Kreis Jörk tohöört (vörher to dat Amt Jörk) un is denn Deel von’n Landkreis Horborg worrn. Aver al mit dat Groot-Hamborg-Gesett von 1937 is de Oort denn an Hamborg kamen.

In’n Eersten Weltkrieg sünd 24 Soldaten ut Cranz fullen oder vermisst^[1].

Inwahnertall ännern

Johr	Inwahners
1824-00-001824^[2]	699
1848-00-001848^[3]	702 Lüüd, 89 Hüüs
1910-12-011. Dezember 1910^[4]	686
2010-12-3131. Dezember 2010	825

Religion ännern

Cranz is evangeelsch-luthersch präägt un höört to dat Kaspel von de Martini-Kark in Eestbrügg.

Politik ännern

För de Wahlen to de Hamborgsche Börgerschop un de Bezirksversammlung höört Cranz to’n Wahlkreis Süderelv. Bi de Börgerschopswahl 2011 is dat rutkamen^[5]:

SPD 46,2% (+9,2)
CDU 21,6% (-22,3)
GAL 14,6% (+8,0)
FDP 7,2% (-0,1)
De Linke 5,3% (+0,7)
Annere 5,1% (+4,5)

Kultur ännern

In Cranz gifft dat en Denkmaal för de Fullenen ut den Eersten Weltkrieg.

Weertschop un Infrastruktur ännern

Verkehr ännern

Cranz liggt an de Straat Eestdiek, de von Eestbrügg un Königriek in’n Süüdwesten her in’n Landkreis Stood as Kreisstraat 39 de Eest hoogkummt. Dor drippt se op de Straat Cranzer Hauptdiek, de denn na Westen to na Achterbraak un Kohlenhusen hen na Bossel löppt un achter de Landsgrenz wedder to de K 39 warrt. Na Oosten över de Brügg von dat Eest-Sparrwark geiht de Straat na Neefeld un Finkwarder.

De nächste Bahnhoff is in Buxthu an de Nedderelvbahn.