Kievitte
Kievitte (Vanellus) sünd en Geslecht vun Vagels ut de Familie vun de Tüten (Charadriidae). In Middeleuropa leevt bloß een Aart ut düt Geslecht, dat is de europääsche Kievitt (V. vanellus). Se leevt meist in Gemarken mit open Land un hoolt sik normolerwiee an’n Rand vun Seen, Ströme, Beeken oder Sümpe up. Man ok up Kulturland, as Ackers, Fennen un Wischen sünd se to finnen. Kievitte maakt allerhand Spektokel. To de Aarden in düt Geslecht, de sunnerlich in Gefohr sünd, ut to starven, mutt de Steppenkievitt rekent weern. Dor gifft dat wohrschienlich man bloß noch bi 200 Brödelpaare vun.
| Kievitte | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Vanellus | ||||||||||
| Linnaeus, 1758 |
Aarden
ännern- Kievitt (V. vanellus)
- Witttoppkievitt (V. albiceps)
- Wapenkievitt (V. armatus)
- Cayennekievitt (V. cayanus)
- Graukoppkievitt (V. cinereus)
- Bronzekievitt (V. chilensis)
- Kronenkievitt (V. coronatus)
- Langtöhnkievitt (V. crassirostris)
- Flusskievitt (V. duvaucelii)
- Steppenkievitt (V. gregarius)
- Roodlappenkievitt (V. indicus)
- Wittsteertkievitt (V. leucurus)
- Troerkievitt (V. lugubris)
- Geellappenkievitt (V. malabaricus)
- Swattkoppkievitt (V. melanocephalus)
- Swattflunkenkievitt (V. melanopterus)
- Schabellenkoppkievitt (V. miles)
- Andenkievitt (V. resplendens)
- Senegalkievitt (V. senegallus)
- Spoornkievitt (V. spinosus)
- Roodbostkievitt (V. superciliosus)
- Swatttoppkievitt (V. tectus)
- Swattbandkievitt (V. tricolor)
Bit in dat 14. Johrhunnert leev up Madagaskar de Madagaskarkievitt (Vanellus madagascariensis). He is bloß dör subfossile Fundstücke bekannt wurrn. Wohrschienlich is ok de Javakievitt (Vanellus macropterus) midderwielen utstorven. He is tolest 1939 betüügt wurrn.
