Tüten

De Tüten (Charadriidae) sünd en Familie mank de Tüütvagels. Unner annern höört hier de Kiewitte (mit bi 22 Aarden) to. Tüten sünd lüttje bit middelgrote Vagels, de sik meist an dat Water uphollen doot.

Tüten

Heiack (Western Snowy Plover; Charadrius alexandrinus nivosus)

Systematik

Ünnerstamm:	Warveldeerten (Vertebrata)
Klass:	Vagels (Aves)
Ornen:	Tüütvagels (Charadriiformes)
Familie:	Tüten

Wetenschoplich Naam

Charadriidae

Vigors, 1825

KenntekenBearbeiten

De lüttjeste Tüte is de Kragentüte (Charadrius collaris). Se is bi 14 cm lang un man 26 g swaar. De gröttste Tüte is de Schabellenkopp-Kiewitt (Vanellus miles), de bi 35 cm lang is un 3670 g swaar. Dat hannelt sik bi Tüten um enigermaten stevige Vagels mit korten Nacken, man mit lange, meist spitze Flunken. Bloß bi de Kiewitte sünd de Ennen vun de Flunken meist rund. De Snavel is meist kort un liek (bloß nich bi de Scheefsnaveltüte Anarhynchus frontalis). Ok de Steert is man kort. Heken un Seken verscheelt sik in dat Fedderkleed nich groot.

Wo de Tüten leven dootBearbeiten

Tüten leevt normolerwiese in opene Landschoppen an’t Water. Man dat gifft ok Aarden, bi de dat anners is, as bi de Austraalsche Renntüte (Peltohyas australis), de in dröge Steenwösten in Westaustralien vorkamen deit.