Kohsteerten (Insekten)

De Kohsteerten (Gomphidae) sünd en Familie mank de Echten Goldpeer. Dor höört se mit to de Goldpeer (Odonata). Över de ganze Welt hen gifft dat 91 Geslechter mit bi 950 Aarden. Dor leevt seven vun in Düütschland. To’n Deel sünd de in Gefohr.

Kohsteerten
Ophiogomphus rupinsulensis
Systematik
Ünnerstamm: Tracheendeerter (Tracheata) Böverklass: Sessfööt (Hexapoda) Klass: Insekten Ünnerklass: Fleeginsekten (Pterygota) Ornen: Goldpeer (Odonata) Ünnerornen: Echte Goldpeer (Anisoptera) Familie: Kohsteerten (Gomphidae)
Wetenschoplich Naam
Gomphidae
Rambur 1842

De utwussen Kohsteerten könnt bit to 5 cm lang weern, bloß de Seedrake warrt bit to 5,7 cm lang. Binnen de Echten Goldpeer fallt de Kohsteerten up, vunwegen dat jem ehre Ogen düütlich vun’nanner scheden sünd. Dorbi is de Afstand twuschen de beiden Ogen lüttjer, as de Dörsnitt vun en Oge. Dat maakt nu wedder den Unnerscheed ut to de Jumfern. De Heken hefft eckige Achterflunken un lüttje „Ohren“ an de Siet vun dat tweete Segment an dat Achterlief. De Deerter sünd swart-geel oder swart-gröön. Se leevt an Beken un Strööm, man de meisten Aarden kaamt ok mit stille Water torecht. Wenn se up Jagd unnerwegens sünd, fleegt se ok wiet af vun’ Water, sünnerlich in Hölter un Woolden.

Aarden

Hier folgt nu de Kohsteerten, de dat in Europa gifft.

Kohsteerten - Gomphidae

• Geslecht Beekkohsteerten - Gomphus
  • Stroomkohsteert - Gomphus (Stylurus) flavipes
  • Franzöösch Beekkohsteert - Gomphus graslinii (Iberien, Süüdwest-Frankriek)
  • Miegkohsteert - Gomphus pulchellus
  • Törksch Beekkohsteert - Gomphus schneiderii (Süüdoosteuropa)
  • Geel Beekkohsteert - Gomphus simillimus (Rund üm dat Middelmeer ümto)
  • Gemeen Beekkohsteert - Gomphus vulgatissimus
• Geslecht Seedraken (Insekten) - Lindenia
  • Seedrake (Insekten) - Lindenia tetraphylla (Italien, Balkan)
• Geslecht Tangengoldpeer - Onychogomphus
  • Bruun Tangengoldpeerd - Onychogomphus costae (Iberien)
  • Smuck Tangengoldpeerd - Onychogomphus flexuosus (Oosteuropa)
  • Lütt Tangengoldpeerd - Onychogomphus forcipatus
  • Groot Tangengoldpeerd - Onychogomphus uncatus
• Geslecht Gaffelgoldpeer - Ophiogomphus
  • Gröön Gaffelgoldpeerd - Ophiogomphus cecilia
• Geslecht Sandkohsteerten - Paragomphus
  • Afrikaansch Sandkohsteert - Paragomphus genei (Rund üm dat Middelmeer ümto)

Biller

• 
  Austrogomphus guerini
• 
  Stroomkohsteert (Gomphus flavipes)
• 
  Miegkohsteert (Gomphus pulchellus)

• 
  Gemeen Beekkohsteert (Gomphus vulgatissimus)
• 
  Hagenius albardae
• 
  Hagenius brevistylus

• 
  Onychogomphus forcipatus
• 
  Gröön Gaffelgoldpeerd (Ophiogomphus cecilia)
• 
  Ophiogomphus rupinsulensis

• 
  Progomphus borealis

Literatur

• Donath H (1985): Zum Vorkommen der Flußjungfern (Odonata, Gomphidae) am Mittellauf der Spree, Entomologische Nachrichten und Berichte 29, 155 - 160
• Heidemann H (1988): Die Gomphus-Arten Deutschlands und Frankreichs. Bestimmungsschlüssel der Larven und Felddiagnose der Imagines (Anisoptera, Gomphidae), Libellula 7, 27 - 40
• Jurzitza G (2000): Der Kosmos-Libellenführer, Franckh-Kosmos Verlags GmbH & Co., Stuttgart
• Suhling F, Müller O (1996): Die Flussjungfern Europas – Gomphidae. Die Neue Brehm-Bücherei 628. Westarp, Meideborg un Spektrum, Heidelbarg. ISBN 3-89432-459-7
• Schmidt E (1987): Generic reclassification of some westpalaearctic Odonata taxa in view of their nearctic affinities (Anisoptera, Gomphidae), Advances in Odonatology 3: 135 - 145